තලේබාන් සංවිධානය ඇෆ්ගනිස්තානයේ බලය අත්පත් කර ගැනීමත් සමග සිය ආරක්ෂාව සම්බන්ධයෙන් සුපරීක්ෂාකාරීවීමට බංගලාදේශය තීරණය කර ඇතැයි වාර්තා වේ.
ඊට ප්‍රධාන හේතුව වන්නේ බංගලාදේශයේ ක්‍රියාත්මක ජමාද් අල් මුජහිදීන් නැමති අන්තවාදී කණ්ඩායම ඇෆ්ගනිස්තානයේ තලේබාන් සංවිධානය සමග සමීප සබදතා පැවැත්වීමයි.
මීට පෙර ඇෆ්ගනිස්තාන යුද්ධය පැවති සමයේ මෙම සංවිධානය නියෝජනය කරමින් බංගලාදේශය ජාතිකයන් පිරිසක් එම ගැටුම්වලට සම්බන්ධ වූ බවටද හෙළිවී තිබිණ.
මෑතකදී මෙම සංවිධානයට සම්බන්ධය ප්‍රබල ක්‍රියාකාරිකයන් තිදෙනෙකු අන්තවාදී ක්‍රියා සැලසුම් කිරීමේ චෝදනා මත කොල්කතා පොලිසිය මගින් අත්අඩංගුවට ගෙන තිබේ.
ප්‍රකට ආරක්ෂක සහ භුදේශපාලනික විශ්ලේෂකයකු වන ඉන්දියාවේ හිටපු බංගලාදේශ මහකොමසාරිස් තාරික් කාරීම් සදහන් කර ඇත්තේ තලේබාන් සංවිධානය ඇෆ්ගනිස්තානයේ බලය අත්පත් කර ගැනීම දකුණු ආසියාවේ ආරක්ෂක ගැටලුවක් ලෙස සළකා කටයුතු කළ යුතු බවයි.
