ජනාධිපතිවරයාට සහ සියලුම රාජපක්ෂවරුන්ට විරෝධය පා කොළඹ ගාලු මුවදොර අසළ ඊයේ (09) දහවල් සිට ආරම්භවූ දැවැන්ත විරෝධතාවය සාමාන්‍ය ජනතාවගේ නොමද සහයෝගයෙන් දැඩි ජවයකින් පවත්වාගෙන ගොස් තිබුණා.
විවිධ පුද්ගලයින් අරගලකරුවන් හට ආහාර හා පානීය ජලය ලබාදීමට කටයුතු කළා.
සන්ධ්‍යා භාගයේදී එම ස්ථානයට පැමිණි මුස්ලිම් ජාතිකයින් අරගල භූමියේ සිට සිය දිනයේ නෝම්බි උපවාසය අවසන් කිරීමට ආහාර ගෙන දෙවියන් හට යාඥා කරන ආකාරය දක්නට ලැබුණා.
රාත්‍රියේද ගෑස් ලිප් හා විවිධ උපකරණ රැගෙන ආ තවත් පිරිසක් ගාලු මුවදොර අසළම තබාගෙන ආහාර පිස විරෝධතාකරුවන්ට ලබාදීමට කටයුතු කළා.
එමෙන්ම තවත් පිරිසක් කූඩාරම් රැගෙන විත් ගාලු මුවදොර පිටියේ රැය පහන් කරන සියලුම දෙනාට පහසුකම් ලබාදී තිබුණා.
මෙය දේශපාලන පක්ෂයක මැදිහත්වීමකින් තොරව සාමාන්‍ය ජනතාවගේ එකමුතුවකින් සිදුකරන ලද මහා දැවැන්ත විරෝධතාවක් බවයි දේශපාලන විචාරකයින් සදහන් කරන්නේ.
