25 C
Colombo
Friday, December 3, 2021

පිළියන්දල හුඳෙකලාව පැය 8 න් නිදහස් වුණේ කොහොමද?

- Advertisement -

පවත්නා කොවිඩ් පැතිරයාමේ ප්‍රවණතාවය සැළකිල්ලට ගනිමින් ඊයේ (02) උදැසන සිට පිළියන්දල පොලිස්බල ප්‍රදේශය හුදෙකලා කලද එය සවස වන විට ඉවත් කර ග්‍රාමසේවා වසම් කිහිපයක් පමණක් හුඳෙකලා කිරීම බොහෝ දෙනා විමතියට පත් කරන පුවතක් බවට පත්ව තිබෙනවා.

උදෑසන විට පැවති කොවිඩ් අවධානම් තත්ත්වය රාත්‍රිය වන විට පැය කිහිපයක් තුළ පහව ගියේ කෙසේ දැයි පිළියන්දල ජනතාව ප්‍රශ්න කරන බව අප වාර්තාකරුවන් පැවසුවා.

මන්ද මේ වන විටත් පිළියන්දල අවට ප්‍රදේශ රැසකින් තවමත් කොවිඩ් ආසාදිතයන් වාර්තා වන පරිසරයක් තුළ එම හුඳෙකලා තත්ත්වය ඉවත් කිරීම ප්‍රදේශවාසීන් අනතුරේ හෙලීමක් බවටයි ඔවුන් සදහන් කරන්නේ.

ඒ පිළිබදව අප කළ සොයාබැලීමේදී වාර්තා වූයේ මෙම හුඳෙකලා තත්ත්වය ඉවත්කිරීම ප්‍රදේශයේ දේශපාලඥයින් කිහිප දෙනෙකුගේ බලපෑම මත සිදුව ඇති බවයි.

‍ප්‍රවාහන අමාත්‍ය ගාමිණි ලොකුගේ ඇමතිවරයාගේ පිළියන්දල – මාවිත්තර නිවසේ පිහිටුවා ඇති ඔහුගේ කාර්යාලයේ සේවය කරන පුද්ගලයන් පස්දෙනෙකුද මේ වන විට කොවිඩ් ආසාදිතයින් ලෙස හදුනාගෙන තිබෙනවා.

කෙසේ වෙතත් තවමත් අමාත්‍යවරයා ස්වයං නිරෝධායනයට හෝ යොමුවී නොමැති අතර ඔහු ප්‍රදේශයේ ව්‍යාපාරිකයන් හා පක්ෂ හිතවාදීන් සමඟ පැවති රැස්වීම්වලටද සහභාගී වී තිබෙන බවයි වාර්තා වන්නේ.

පිළියන්දල අවට ඇති කර්මාන්තශාලා සහ හෝටල්වල සේවය කරන පුද්ගලයන් හරහා වෛරස පැතිරීමේ අවධානමක් ඇතත් අදාළ හුදෙකලා කිරීමේ තීරණය ආපසු හැරවීම මගින් එම ප්‍රදේශය ඉදිරියේදී දැඩි අර්බුදයකට යන බවට ප්‍රදේශවාසීන් චෝදනා කරනවා.

කෙසේ වෙතත් අද (03) උදැසන 05 සිට පිළියන්දල ග්‍රාම නිළධාරි වසම් 10ක් පමණක් හුදකලා කරන බව කොවිඩ් 19 මර්දන කාර්ය සාධක බලකායේ ප්‍රධානී හමුදාපති ශවේන්ද්‍ර සිල්වා මහතා නිවේදනය කළා.

ඒ අනුව පිළියන්දල පොලිස් බලප්‍රදේශයේ හෙට උදෑසන සිට හුදකලා කර ඇති ග්‍රාම නිලධාරී වසම් වන්නේ දම්පේ, බටකැත්තර උතුර, කැස්බෑව දකුණ, පැළැන්වත්ත බටහිර, මාකන්දන නැගෙනහිර, මාවිත්තර උතුර, මඩපාත, ගොරකාපිටිය, නාම්පමුණුව සහ පැළැන්වත්ත නැගෙනහිර යන ග්‍රාම නිලධාරී වසම් පමණක් හුදෙකළා කෙරෙනු ඇති.

RECENT ARTICLES - SINHALA

ඔමික්‍රෝන් ඉන්දියාවටත් කඩා වදියි

0
ඔමික්‍රෝන් කොවිඩ් ප්‍රභේදය ආසාදනය වූ පුද්ගලයින් දෙදෙනෙක් අසල්වැසි ඉන්දියාවෙන් හමුවී තිබෙන බව වාර්තා වෙයි. එරට මාධ්‍ය පැවසුවේ ආසාදිතයින් දෙදෙනෙක්...

චීනය මෙරට විදුලිය ව්‍යාපෘතියක් අත්හිටුවීමට තීරණය ක‍රයි

ඩෙල්ෆ්,නයනතිව්,අනලතිව් දූපත් වල ක්‍රියාත්මක කිරීමට සූදානම් වූ විදුලිය ව්‍යාපෘති අත්හිටුවීමට තීරණය කළ බව මෙරට චීන තානාපති කාර්යාලය පවසනවා. ඒ,...

බාල චීන පොහොර නැව තවමත් ශ්‍රී ලංකා මුහුදේ

උපද්‍රවකාරී ක්ෂුද්‍ර ජීවින් ඇති බවට දෙවරක් තහවුරු කරන ලද චීන පොහොර තොගය රැගත් හිපෝ ස්පිරිට් නෞකාව තමත් ශ්‍රී ලංකා මුහුදු තීරයේ රැඳී...

RECENT ARTICLES - ENGLISH

Allow MPs to attend universities without facing entrance examinations

0
Parliamentarians should be allowed to enrol in the Sri Lanka Law College or any other university to further their studies, Chief Opposition...

Azath Salley acquitted and released by Court

0
Former Western Province Governor Azath Salley was acquitted of charges of creating communal disharmony this morning (2) by Colombo High Court judge...

Gas explosions: Authorities to obtain reports on gas smell

0
It has been decided to the release the gas to the local market after obtaining a report on gas smell, during the...