25 C
Colombo
Friday, December 9, 2022

‘රැඳවියන්ගේ මෘත දේහයන් විනාශ නොකරනු ’ – මානව හිමිකම් කොමිසම

- Advertisement -

මහර බන්ධනාගාරයේදී මරා දැමුණු රැඳවියන්ගේ සිරුරුවලට අදාළ පශ්චාත් මරණ පරීක්ෂණ කරන තෙක් ඒවා කිසිදු අයුරකින් විනාශ නොකොට සංරක්ෂණයට කටයුතු කරන්නැයි ශ්‍රී ලංකා මානව හිමිකම් කොමිසම උතුරු කොළඹ ශික්ෂණ (රාගම) රෝහල් අධ්‍යක්ෂවරයාට නියෝග කර ඇත.
1996 අංක 21 දරණ මානව හිමිකම් කොමිෂන් සභා පනතේ බලාධිකාරිය අනුව මෙම නියෝගය කරන බව කියමින් ශ්‍රී ලංකාව මානව හිමිකම් කොමිෂන් සභාවේ විමර්ශන පිළිබඳ කොමසාරිස් රමණි මුත්තෙට්ටුවේගම මහත්මියගේ අස්සනින් යුතුව උතුරු කොළඹ ශික්ෂණ (රාගම) රෝහල් අධ්‍යක්ෂ ෂෙල්ටන් පෙරේරා මහතාට යොමු කර ඇත.
එම ලිඛිත නියෝගය මෙසේය.


මහර බන්ධනාගාරයේදී මරා දැමුණු රැඳවියන් එකොලොස් දෙනකුගේ සිරුරු නොවැම්බර් 30 වැනිදා කොළඹ උතුර ශික්ෂණ රෝහලට බාර දී ඇතැයි ද මේ වනවිට එම සිරුරු ඔබේ භාරයේ ඇතැයි ද බලධාරින් විසින් ශ්‍රී ලංකාව මානව හිමිකම් කොමිෂන් සභාවට දන්වනු ලැබ තිබේ.
එම පුද්ගලයන්ගෙන් අට දෙනකුට කොවිඞ් 19 වයිරසය වැළඳී ඇති බවට වූ මාධ්‍ය වාර්තා අපගේ අවධානයට ලක්ව ඇත.
කොවිඞ් වයිරසය ශරීරගත මෘත දේහ බැහැර කිරීමේ ක්‍රමය සම්බන්ධයෙන් අප දැනුවත් නමුත් මෙම සිරුරු වනාහි දැනටමත් දියත් කර ඇති විමර්ශනයක අතිශය වැදගත් සාධකයක් බව ඔබට අවධාරණය කරමි. 
සෞඛ්‍ය නිර්දේශානුකූලව එම සිරුරු සංරක්ෂණය කළ යුතු අතර මරණවලට අදාළ පශ්චාත් මරණ පරීක්ෂණ සිදුකරන තුරු කිසිදු අයුරකින් ආදාහනය හෝ විනාශ කිරීමක් නොකළ යුතුය. 
එසේම ඡායාරූපගත කිරීම ආදී බාහිර පරීක්ෂණ සිදුකළ යුතු අතරම අධිකරණමය විමර්ශකයන්ට සිය පරීක්ෂණ සඳහා ප්‍රවේශ පහසුකම් සැලසිය යුතුවේ. 
වෛරසය වැළඳුණු රැඳවියන්ගේ මරණ පරීක්ෂණ කිරීමට ඔබේ රෝහලේ පහසුකම් නැතත් කොටිකාවත්ත රෝහලේ මෘත ශරීරාගාරයේ ඊට අවශ්‍ය පහසුකම් ඇති බවට අපගේ විමර්ශනයේදී අනාවරණය වී ඇති බැවින් අවශ්‍ය නම් එහි විශේෂඥයන්ගේ උපදෙස් සඳහා මහේස්ත්‍රාත් නියෝගයක් ලබාගැනීමට කටයුතු කළ යුතුය. 
ශ්‍රී ලංකාව මානව හිමිකම් කොමිෂන් සභාව 1996 අංක 21 දරණ මානව හිමිකම් කොමිෂන් සභා පනත අනුව රැඳවියන්ගේ සුබසිද්ධිය උදක්ම අපේක්ෂා කරන අතර මෙම ලිපිය ඔබ වෙත යොමුකෙරෙන්නේ එම පනතේ එකී බලාධිකාරිය අනුව බව ද අවධාරණය කරමි. 
අදාළ නියෝගයේ පිටපත් පොලිස්පතිවරයාටත් බන්ධනාගාර කොමසාරිස් ජනරාල්වරයාටත් කැලණිය විශ්ව විද්‍යාලයේ අධිකරණ වෛද්‍ය අධ්‍යයනාංශයේ මහාචාර්ය අනුරුද්ධි එදිරිසිංහ මහත්මියට හා උතුරු කොළඹ ශික්ෂණ රෝහලේ අධිකරණ වෛද්‍ය විශේෂඥ හඳුන් විජේවර්ධන මහතාටත් යොමු කර ඇත.

RECENT ARTICLES - SINHALA

ඩයනා ගමගේ පෙත්සමක් නිසා සජිත්ට සහ මද්දුමබණ්ඩාරට නොතීසි

0
රාජ්‍ය අමාත්‍ය ඩයනා ගමගේ මහත්මිය විසින් ගොනු කළ පෙත්සමක් හේතුවෙන් විපක්ෂ නායක සජිත් ප්‍රේමදාස මහතා සහ රංජිත් මද්දුමබණ්ඩාර මහතාට ලබන ජනවාරි 25...

බුස්ස අධිආරක්‍ෂිත සිරමැඳිරිවලින් දුරකථන දෙකක් සොයා ගැනේ

0
දරුණු ගණයේ අපරාධකරුවන් රඳවා සිටින බුස්ස බන්ධනාගාරයේ අධි ආරක්‍ෂිත සිර මැඳිරිවල රැඳවියන් දෙදෙනෙකුගෙන් සඟවා තිබූ ජංගම දුරකථන දෙකක් විශේෂ කාර්ය බලකායේ නිලධාරීන්...

Breaking: කිරි පිටි මිල නැවතත් ඉහළට..!

0
ආනයනික කිරි පිටි මිල යළි ඉහළ ගොස් තිබෙනවා. ඒ අනුව ආනයනික ග්‍රෑම් 400 කිරිපිටි පැකට්ටුවක නව මිල රුපියල් 1240ක්...

RECENT ARTICLES - ENGLISH

What did President do to Rajapaksas? – Reveals Basil

0
SLPP National Organiser Basil Rajapaksa, breaking the months-long silence said it was a correct decision to join with Ranil Wickremesinghe as the...

80% of surgical consumables bought by J’pura hospital for the Neurosurgical unit expired

0
It was revealed at Committee on Public Enterprises (COPE) that 80% of surgical consumables bought by Sri Jayewardenepura Hospital for its neurosurgical...

SLTB Chairman ordered to resign

0
Minister of Transport and Highways Bandula Gunawardena informed the Chairman of the Sri Lanka Transport Board (SLTB), Kingsley Ranawaka to resign from...