රටේ මූල්ය ස්ථාවරය ඇතිකිරීම සඳහා බැංකු පද්ධතිය ශක්තිමත් කරමින් විධිමත් වැඩපිළිවෙළකට රජය අවතීරණ වී ඇති බව ජනාධිපති රනිල් වික්රමසිංහ මහතා පවසනවා.
ඔහු මෙම අදහස් පලකළේ ඊයේ (23) බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේ පැවති දිවංගත අමාත්ය ලලිත් ඇතුලත්මුදලි මහතාගේ ජන්ම දින සැමරුම් උත්සවයට සහභාගී වෙමින්.
ශ්රී ලංකාව හිඟාකන රටක් බවට පත් කිරීමට තමන් කිසිලෙසක සූදානම් නොමැති බව අවධාරණය කළ ජනාධිපතිවරයා ශ්රී ලාංකියන් ලෙස අප ස්ව උත්සාහයෙන් නැඟීසිටිය යුතු බවත් මෙවර අය වැයෙන් ඒ සඳහා අවශ්ය වැඩපිළිවෙළ ඉදිරිපත් කර ඇති බවත් මෙහිදී සදහන් කළා.
ලලිත් ඇතුලත්මුදලි මහතාගේ සංකල්පය, ශ්රී ලංකාව ජාත්යන්තරයේ ඉහළටම ඔසවා තැබීමට හැකි සංකල්පයක් බව පෙන්වා දුන් ජනාධිපතිවරයා වැඩිදුරටත් සඳහන් කර කළේ පශ්චාත් උපාධි පාඨමාලා හැදෑරීමට හැකි විශ්වවිද්යාලයක් ලලිත් ඇතුලත්මුදලි මහතා නමින් ඉදිරියේදී මෙරට ස්ථාපිත කිරීමට කටයුතු කරන බවයි.
ලලිත් ඇතුළත්මුදලි පදනම විසින් ශ්රී ලංකා තාරුණ්යයට ජාත්යන්තර වෙළෙඳපොළට ස්වාධීනව සම්බන්ධවීමේ පහසුකම ලබාදෙන ඩිජිටල් අවකාශයක් හඳුන්වාදීමද මෙහිදී සිදු කෙරුණා.