27 C
Colombo
Wednesday, August 10, 2022

මම බීමත් රාජ්‍ය ඇමති එක්ක වැලිකඩට ගියේ නෑ – පුෂ්පිකා

- Advertisement -

බීමතින් වැලිකඩ බන්ධනාගාරයට ගොස් කලහකාරී ලෙස හැසිරුණු රාජ්‍ය ඇමතිවරයා සමඟ විවාහක රෑ රැජිණක්ද ගිය බවට පලවන පුවත හරහා තමන්ව වක්‍රාකාරව ඊට සම්බන්ධ කර ඇතැයි විවාහක රූ රැජිණ කිරුළ දිනූ පුෂ්පිකා ද සිල්වා මහත්මිය පවසනවා.

මේ දිනවල වක්‍රාකාරයෙන් තමා සම්බන්ධ කොට ප්‍රචාරය වන ප්‍රවෘත්ති සියල්ල අසත්‍ය බවයි ඇය සිය ඉන්ස්ටග්‍රෑම් ගිණුමේ සටහනක් තබමින් පවසා සිටින්නේ.

කිරුළ දිනා ගැනීමෙන් පසුව තමා සියළුම දේශපාලන කටයුතු වලින් ඉවත්ව සිටින බවත් ලබන වසරේ මුල ඇමරිකාවේ las vegasහි පැවැත්වීමට නියමිත ලෝක විවාහක රූ රැජින තරගය සඳහා තමන් මේ දින වල සූ දානමෙන් සිටින බවත් ඇය එම සටහනෙන් පවසා සිටිනවා.

එබැවින් මෙවන් අසත්‍ය ප්‍රකාශ නිකුත් කිරීමට පෙර පෞද්ගලිකව තමාගෙන් විමසා හෝ සත්‍ය සාක්ෂි පදනම් කරගෙන එවන් ප්‍රකාශ සිදු කරන්නට අදාළ පාර්ශ්වයන් වගබලා ගන්නේ නම් එය තවත් අයකුගේ පෞද්ගලිකත්වයට ගරු කරන සමස්ත මානව සංහතියටම වැදගත් වනු ඇතැයි තමන් විශ්වාස කරන බවද ඇය අවසන් වශයෙන් පවසා සිටිනවා.

එම සම්පූර්ණ සටහන පහතින්,

සියලුම මාධ්‍ය ආයතන සහ මා ආදරණීය හිතවත් ශ්‍රී ලාංකික ජනතාව වෙත කරන විශේෂ දැනුම් දීමකි.

හිතවත් මහත්මයාණෙනි/ මහත්මියනි,

මෙම විශේෂ සටහන තබන්නේ මේ දිනවල වක්‍ර ආකාරයෙන් මා සම්බන්ධ කොට ප්‍රචාරය වන අසත්‍ය ප්‍රවෘත්ති සම්බන්ධයෙනි.

පුෂ්පිකා ද සිල්වා වන මම, මේ රටේ පැවති විවාහක රූ රැජින තරගාවලියේ දී විවාහක රූ රැජිණ ලෙසින් කිරුළ පැලඳුවෙමි. ලබන වසරේ මුල ඇමරිකාවේ las vegasහි පැවැත්වීමට නියමිත ලෝක විවාහක රූ රැජින තරගය සඳහා සූදානම් වෙමින් සිටිමි.

මෙය, ගරු රෝසි සේනානායක මැතිණිය රැගෙන ආ විවාහක රූ රැජින කිරුළ මා විසින් යලිත් අප රටට ගෙන ඒමට ඉතාමත් දුෂ්කරතා මධ්‍යයේ පුහුණු වීම් කරමින් සහ එක් දරු මවක් වශයෙන් මගේ දරුවාගේ සියලු කටයුතු නොපිරිහෙලා ඉටු කරමින් සිටින අවස්ථාවකි.

ඒ අතර මේ දිනවල පවතින covid 19 වසංගතය සඳහා සෞඛ්‍ය ආරක්ෂිත ක්‍රියාපිළිවෙත් අනුගමනය කරමින්, උපකාර කළ යුතු ජනතාව වෙනුවෙන් සමාජ සේවා කටයුතුවල ද නිරත වෙමි.

මම විවාහක රූ රැජිණ කිරුළ හිමි කර ගත් පසු මම සම්පූර්ණයෙන් දේශපාලන කටයුතුවලින් ඉවත් වී සිටින අතර කිසිදු දේශපාලන පක්ෂයක් හෝ දේශපාලනඥයෙකු වෙනුවෙන් පෙනී නොසිටින බව ඉතා වගකීමෙන් කියා සිටිමි. මගේ විවාහක රූ රැජිණ කිරුළ ලබාගැනීමෙන් පසු සැමවිටම මුලු රටක් නියෝජනය කරන පුද්ගලයකු වශයෙන් මම ඉතා වගකීමෙන් කටයුතු කරන බව ප්‍රකාශ කර සිටිමි.

නොයෙකුත් අවස්ථාවල මම සහ මගේ පවුලේ අය සම්බන්ධ කොට විකෘති සහ අසත්‍ය ප්‍රවෘත්ති යම් යම් මාධ්‍ය හරහා ප්‍රකාශ කරනු ලැබේ. එමගින් මගේ පෞද්ගලිකත්වයට දැඩි ලෙස හානි සිදුවී තිබේ. මෙවන් අසත්‍ය ප්‍රවෘත්ති ප්‍රචාරය කිරීම මගින් කරන පීඩනය මටත් මගේ දරුවාටත් කිසිසේත්ම දරා ගැනීමට නොහැකි තත්ත්වයක් උද්ගත වී ඇත.

ඒ නිසා මෙවන් අසත්‍ය ප්‍රකාශ නිකුත් කිරීමට පෙර පෞද්ගලිකව මා ගෙන් විමසා හෝ සත්‍ය සාක්ෂි පදනම් කරගෙන එවන් ප්‍රකාශ සිදු කරන්නට අදාළ පාර්ශ්වයන් වගබලා ගන්නේ නම් එය තවත් අයකුගේ පෞද්ගලිකත්වයට ගරු කරන සමස්ත මානව සංහතියටම වැදගත් වනු ඇතැයි මම විශ්වාස කරමි.

ස්තුතියි

– පුෂ්පිකා ද සිල්වා


RECENT ARTICLES - SINHALA

ශ්‍රී ලංකාවේ ඉල්ලීම නොතකා චීන නෞකාව හම්බන්තොටට..! – NDTV

යුවාන් වැන්ග් - 5 පර්යේෂණ නෞකාව ශ්‍රී ලංකාවට පැමිණීම කල් දමන්නැයි ලක් රජය චීනයෙන් ඉල්ලීමක් කර තිබියදීත් එම නෞකාව හෙට (11) හම්බන්තොට...

අරගලකරුවන් රනිල්ගේ කාර් එකට මිලියන 191 ක අලාභයක් කරලා..!

වත්මන් ජනාධිපති රනිල් වික්‍රමසිංහගේ පෞද්ගලික නිවසට ගිනි තැබීමෙන් රුපියල් මිලියන 205ක අලාභයක් සිදුව ඇති බවට තක්සේරු කර තිබෙනවා. අපරාධ...

පාර්ලිමේන්තු මන්ත්‍රීවරුන් පොදු නීතියට යටයි..! – කතානායක

පාර්ලිමේන්තුව තුළ පහරදීම්, තර්ජනය කිරීම් ඇතුළු ප්‍රචණ්ඩ ක්‍රියා සිදුකරන මන්ත්‍රිවරුන් අපරාධ නීතියට යටත් බව කථානායක මහින්ද යාපා අබේවර්ධන පවසනවා.

RECENT ARTICLES - ENGLISH

Chinese students to follow the Master of Finance in Economics of the University of...

0
The Sri Lanka Embassy hosted the commencement ceremony, for a batch of Chinese students enrolled for the Master of Financial Economics Programme...

Long March 5B: Debris from Chinese rocket falls back to Earth

0
Chinese rocket debris has crashed to Earth over the Indian and Pacific oceans, US and Chinese officials say. China's...

Rights group seeks arrest of former Sri Lanka president in Singapore

0
A rights group documenting alleged abuses in Sri Lanka has filed a criminal complaint with Singapore’s attorney general, seeking the arrest of...