අප්රේල් 21 ප්රහාරයෙන් මියගිය අය සිහිපත් කිරීම සඳහා බොරැල්ල පොදු සුසාන භූමියේ ඉදි කෙරුණු ස්මාරකයට පූෂ්පෝපහාර දැක්වීමට ඊයේ
(18) එක්වුණු කොළඹ අගරදගුරු අති උතුම් මැල්කම් කාදිනල් රංජිත් හිමිපාණන් මාධ්ය ඉදිරියේ පැවසුවේ පාස්කු ප්රහාරය සිදුකළේ ආගමික අන්තවාදය නොවන බවත් එය අතකොළුවක් කරගනිමින් තමන්ගේ දේශපාලන බලය ශක්තිමක් කරගැනීමට වෙර දැරූ පිරිසක් බවයි.
“එදා මේ අපේ සොහොයුරන්ට පහර දුන්නෙ ආගමික අන්තවාදය නෙවෙයි. ඒ ආගමික අන්තවාදය පාවිච්චි කරමින් එය අතකොළුවක් කර ගනිමින් තමන්ගේ දේශපාලන බලය ශක්තිමත් කර ගන්නට ,වෙර දැරූ පිරිසක්.මේ සිදුවීම තුළ අපි දකින්නේ තමන්ගේ බලය තහවුරු කරන්නට යම් යම් කණ්ඩායම් දරන උත්සහයේ ප්රථිපලයක් හැටියටයි.අපි අපේ රටේ සියලුම දෙනාගෙන් ඉල්ලා සිටින්නේ කරුණාකරලා ආගමවත් ,භාෂාවවත් , ජාතියවත් ,තවත් කෙනෙකුට හිරිහැර කරන්නට පාවිච්චි කරන්නට එපා.ඒ වගේම කරුණාකරලා තමන්ගේ බලය ශක්තිය පෙන්නන්නට අනිත් මිනිස්සුන් මරණ මානසිකත්වයෙන් අපි මිදෙමු ”
කෙසේ වෙතත් අද (19) ප්රවෘත්ති සාකච්ඡාවකට එක් වෙමින් උන්වහන්සේ සඳහන් කරන්නේ තමන් ඊයේ එවැනි ප්රකාශයක් සිදු නොකළ බවයි.
තමන් ඊයේ සිදුකල ප්රකාශය වැරදි ආකාරයෙන් තේරුම් ගෙන ඇති බවත් රටේ මුස්ලිම් අන්තවාදයක් හා ව්යාප්තවාදයක් ක්රියාත්මක නොවන බව තමන් ප්රකාශ නොකල බවද කාදිනල් උතුමාණන් මෙහිදී සදහන් කළා.
තමන් දේශපාලන බලවේගයක් යැයි සඳහන් කළේ අන්තර්ජාතික දේශපාලන බලවේගයක් ගැන මිසක මෙරට දේශපාලන පක්ෂයක් ගැන සඳහන් නොකල බවද කාදිනල් උතුමාණන් වැඩිදුරටත් පෙන්වා දුන්නා.
ඊට අදාල දර්ශන පහතින්,