ඇතැම් පාර්ශව තමන් “ෆේල්” බව කීව ද, තමන් ෆේල් නොමැති බව ජනාධිපති ගෝඨාභය රාජපක්ෂ මහතා පවසනවා.
කුරුණෑගල, ගිරිබාව,වේරගලදී පැවති ‘ගම සමග පිළිසඳරක්’ වැඩසටහනට සහභාගි වෙමින් ජනාධිපතිවරයා මේ අදහස් පළ කළා.
“සමහර අය කියනවා මං ෆේල් ලු. මම ෆේල් නෑ. මම අවුරුදු 20ක් හමුදාවේ රට වෙනුවෙන් වැඩ කළා යුද්ධ කළා. ඊට පස්සේ මහින්ද රාජපක්ෂ ජනාධිපතිතුමාගේ ආරක්ෂක ලේකම්වරයා හැටියට අවුරුදු 30ක් තිබිච්ච යුද්දේ අවසාන කළා. ඒ ඇති මට ගෞරව උපාධියක් ගන්න. ඒ ගෞරව උපාධිය, දැන් මේක බෝනස්. මේ ජනාධිපතිකමෙන් හම්බ වෙන්නේ බෝනස් මාක්ස් ඒකේ මම පාස් වෙලා හුඟක් කල්. ගෞරව උපාධිත් එක්ක ම දැන් ඩබල් පී.එච්.ඩී. එකට මේ වැඩ කරන්නේ,”
එමෙන්ම ජනාධිපතිවරයා මෙහිදී සදහන් කළේ තමන් පාස්කු ප්රහාරය මතින් බලයට නොපැමිණි බවයි.
“මමවත් මේ රජයවත් අපේ ආණ්ඩුව වත් පාස්කු ඉරිදා විකුණලා නෙමෙයි බලයට ආවේ. සමහර අය කියනවා පාස්කු ඉරිදා විකුණලා බලයට ආවා කියලා. පාස්කු ඉරිදා වික්කේ නෑ. මගේ මැතිවරණයේදී මම කිසි වෙලාවකවත් පාස්කු ඉරිදා වික්කේ නෑ.”