මුදල් අමාත්‍ය බැසිල් රාජපක්ෂ නොසිටියේ නම්, අද වන විට රට රැඳෙන්නේ කොතන දැයි හරියට කිව නොහැකි බව ඉඩම් අමාත්‍ය එස්. එම්. චන්ද්‍රසේන පවසනවා.
ඒ, අද (25) පැවති මාධ්‍ය හමුවකට එක්වෙමින්.
ජනාධිපති ගෝඨාභය රාජපක්ෂ ප්‍රමුඛ වත්මන් ආණ්ඩුවේ ක්‍රියාකලාපය සම්බන්ධයෙන් තව ටික කලක් ගිය විට ජනතාවට සෑහීමකට පත් විය හැකි පරිදි රටක් නිර්මාණය වන බවයි ඔහු පෙන්වා දෙන්නේ.
එවිට ආණ්ඩුවේ ක්‍රියාකලාපය ද නැතහොත් විපක්ෂ නායක සජිත් ප්‍රේමදාසගේ ක්‍රියා කලාපය ද නිවැරදි දැයි නියත වශයෙන් ම ජනතාවට අවබෝධ වන බවත් ඔහු පවසනවා.
විපක්ෂ නායක සජිත් ප්‍රේමදාස විසින් රට පුරා කිසිදු පදනමකින් තොරව ආණ්ඩුවේ ක්‍රියාකලාපය විවේචනය කරමින් යන බවත්විපක්ෂ නායකවරයා කටට එන පලියට කිසිදු වගකීමකින් තොරව අදාළ ප්‍රකාශයන් සිදු කරන බවත් ඉඩම් අමාත්‍යවරයා පවසනවා.
සජිත් ප්‍රේමදාස හට කිසිදු ප්‍රතිපත්තිමය වැඩපිළිවෙළක් නොමැති බව ප්‍රකාශ කරන අමාත්‍යවරයා වැඩිදුරටත් කියා සිටියේ, වත්මන් රජයේ අර්බුද ඇත්නම් ඒවා විවේචනය කරනවා සේම ඒවාට ගත යුතු පියවර සම්බන්ධයෙන් ද ජනතාව දැනුවත් කළ යුතු බවයි.
