නැවත නැවතත් ප්රතික්ෂේප වූ චීන පොහොර නැව තවමත් ශ්රී ලංකා මුහුදු සීමාවේ රැඳී සිටීම මෙරට ජාතික ආරක්ෂාවට තර්ජනයක් වන්නේ කෙසේද යන්න තමන්ට සිතාගැනීමට අපහසු බව රක්ෂක ලේකම් විශ්රාමික ජනලර් කමල් ගුණරත්න මහතා පවසනවා.
භාවිතයට නුසුදුසු පොහොර පැවතීම හේතුවෙන් පොහොර තොගය ගොඩබෑමට රජය ඉඩ නුදුන් බැවින් එය ගොඩබිමට නොඑන බවත් ඒ හේතුවෙන් ජාතික ආරක්ෂාවට තර්ජනයක් සිදුවන බවට ප්රකාශ කළ නොහැකි බවත් ඔහු පෙන්වා දෙනවා.
”චීන නැව පැමිණීම ජාතික ආරක්ෂාවට තර්ජනයක් වෙන්නේ කොහොමද කියන එක මට නම් හිතාගන්න අමාරුයි. ජාතික ආරක්ෂාව භාරව කටයුතු කරන රජයේ නිලධාරියා මම. චීනෙන් පොහොර නැවක් ආවා. ඒ පොහොර නැවේ තියෙන පොහොර පාවිච්චියට සුදුසු නැති හේතු තිබෙනවා කියල වාර්තා වුණා. ඉතින් ඒ නිසා රජයෙන් ඒ නැවේ තියෙන පොහොර තොගය ගොඩ බාන්න ඉඩදුන්නේ නැහැ. ඒක තහනම් කළා. තහනම් කර තිබෙන නිසා ගොඩබිමට එන්නෙත් නැහැ. නව දවස් යයි. ඉතින් ඒක ජාතික ආරක්ෂාවට තර්ජනයක් වෙන්නේ නැහැ”