වසර දෙකක් පුරාවට තමන්ව ජාතික ක්රිකට් කණ්ඩායමට සම්බන්ධ කරගෙන නොමැති බැවින් තමා හට ඒ සම්බන්ධයෙන් විශාල බලාපොරොත්තුවක් නොමැති බව වේගපන්දු යවන ක්රිකට් ක්රීඩක ලසිත් මාලිංග පවසනවා.
බටහිර ඉන්දීය කොදෙව් තරඟයෙන් පසුව තමන්ට කිසිඳු පුහුණු සැසියක් සඳහා කැඳවා නොමැති නමුත් තමන්ව එසේ ඉවත් කිරීම නිසි ක්රමවේදයකට අනුව සිදුවූ බවක් නොපෙනෙන බවයි ඔහු පවසන්නේ. තමන්ව එසේ ඉවත් කිරීමට හේතුව තමන්ද නොදන්නා බවත් ඔහු පවසනවා.
කෙසේ නමුත් තමන් පන්දුවාර 20-20 තරඟබිමෙන්ද සමු ගැනීමෙන් පසුව තමන් හට වෙනත් රටක ක්රිකට් කණ්ඩායමක් සඳහා ආරධනාවක් ලදහොත් තමන් එය භාරගන්නා බවත් එලෙස සිදුකරන විට තමන් හට විවිධ අවලාද ඇසීමට සිදු වන බව තමන් දන්නා බවත් ලසිත් මාලිංග ප්රකාශ කර සිටිනවා.
එසේ වුවත්, වත්මන් ක්රිකට් කණ්ඩායමේ ක්රීඩකයන් ක්රීඩා කරන විලාශය නැරඹීමට ප්රිය ජනක බවත් තමන් හැකි අයුරින් ඔවුන්ට උපකාර කරන බවත් ඔහු පවසනවා. පුහුණුවීම් වලට පෙර සහ පසු තමන්ට බොහෝ ක්රීඩකයන් පිරිසක් අමතන බවයි ඔහු පවසන්නේ.