33 C
Colombo
Thursday, March 28, 2024

මම කවදාවත් ජනාධිපතිතුමාව නාවලා නැහැ – ඥාණක්කා

- Advertisement -

තමන් ජනාධිපති ගෝඨාභය රාජපක්ෂ මහතාව කිසිදු දිනෙක නහවා නොමැති බව අනුරාධපුරයේ සුප්‍රසිද්ධ චරිතයක් වන ඥාණක්කා පවසනවා.

ඒ සන්ඩේ ටයිම්ස් පුවත්පතට සම්මුඛ සාකච්ඡාවක් ලබාදෙමින්.

ජනාධිපතිවරයා හැකි සෑම අවස්ථාවේදීම ඥාණක්කාගේ දේවාලයට පැමිණෙන බවට මහජනතාව නගන චෝදනාවද ප්‍රතික්ෂේප කරන ඥානවතී ජයසූරිය හෙවත් ඥාණක්කා පවසන්නේ ඔහු මාස ගණනාවකින් තම දේවාලයට පැමිණ නැති බවයි.

පසුගිය මැයි 09 වනදා ඇතිවූ කළහකාරී තත්ත්වයත් සමඟ ඥාණක්කාගේ දේවාලය නිවස හා හෝටලය සම්පූර්ණයෙන්ම ගිනිබත් කර තිබුණා.

ඇය පවසන්නේ තමන් රෝහල් සාත්තු සේවිකාවක් ලෙස ජීවිතය ඉතාමත් අපහසු කාලයක් ගතකර දැඩි පරිශ්‍රමයකින් ගොඩනගත් ජීවිතය එක් රැයකින් ගිනි තබා විනාශ කළ බවයි.

කෙසේවෙතත් ඉන් තමන් නොවැටෙන බවත් මේ වන තෙක් කිසිදු දේශපාලඥයෙක් තමන්ට උදව් උපකාර කිරීමට ඉදිරිපත් නොවූවද අනුරාධපුරයේ සාමාන්‍ය ජනතාව තමන්ගේ සියලුම දෑ යළි ගොඩනැගීමට සහය දීමට පොරෙන්දු වූ බවත් ඇය සඳහන් කරනවා.

තමන් කිසිදු දිනෙක දේශපාලඥයෙකුගෙන් එක් රුපියලක් හෝ ගෙන නොමැති බවත්, එසේ ගෙන ඇති නම් තමන් ඕනෑම දඩුවමක් විදීමට සූදානම් බවත් 66 හැවිරිදි ඥානවතී ජයසූරිය මහත්මිය පවසනවා.

ජනාධිපතිවරයා තම දේවාලයට පැමිණෙන කිසිදු අවස්ථාවක දේශපාලන කරුණු කිසිවක් සාකච්ඡා නොකරන බවත් දේශපාලන කරුණු නිවැරදි කරගැනීමට කිසිදු ආකාරය යන්ත්‍ර මන්ත්‍ර ගුරුකම් සිදු නොකළ බවත් ඥාණක්කා යළි යළිත් තහවුරු කරනවා.

සේවයේ නියුතු හා විශ්‍රමික යුද හමුදා ජෙනරාල්වරු තමන්ගේ පිහිට පතා පැමිණෙන බව පිළිගන්නා ඥාණා මෑණියන් සදහන් කරන්නේ තමන් කිසිදු වෙනත් අයුරකින් යුද හමුදාවේ සහය තමන්ගේ වැඩකටයුතු සඳහා යොදා නොගන්නා බවයි.

තමන්ගේ දේවාලය යනු ජනාධිපතිවරු කිහිප දෙනෙක්, ප්‍රබල දේශපාලඥයන්, හමුදාපතිවරු කිහිප දෙනෙක්, ව්‍යාපාරිකයන්, ඉහළ පෙළේ රාජ්‍ය නිලධාරීන්, වෛද්‍යවරු, නීතිඥවරු, සාමාන්‍ය ජනතාව ඇතුළු විවිධ පුද්ගලයන් පැමිණෙන පොදු භූමියක් බව ඥානාක්කා සහ ඇගේ පවුලේ සාමාජිකයන් මෙහිදී සදහන් කර තිබෙනවා.


RECENT ARTICLES - SINHALA

උද්ධමනය පහළට

මෙරට මාසික පාරිභෝගික උද්ධමනය 2024 පෙබරවාරි මාසයට සාපේක්ෂව 2024 මාර්තු මාසයේ පහළ ගොස් ඇති බව ජන ලේඛන හා සංඛ්‍යා ලේඛන දෙපාර්තමේන්තුව නිවේදනය කරනවා. ජන ලේඛන...

පිටකොටුවේ පාවෙන වෙළෙඳ සංකීර්ණය ආයෙත් අපි හදනවා – ප්‍රසන්න

පිටකොටුව පාවෙන වෙළඳ සංකීර්ණය (Floating Market) යළි පණ ගැන්වීමේ ව්‍යාපෘතිය සඳහා ජපන් ආයෝජකයකු ඉදිරිපත්ව තිබෙනවා. මේ සඳහා වන මූලික අවබෝධතා ගිවිසුම අත්සන් කිරීම නාගරික සංවර්ධන...

කෙහෙළියට අධිකරණය දුන් නියෝගය

ව්‍යාජ එන්නත් සිද්ධියට අත්අඩංගුවට ගෙන රක්ෂිත බන්ධනාගාර ගත කර සිටින හිටපු අමාත්‍ය කෙහෙළිය රඹුක්වැල්ල මහතා ඇතුළු සැකකරුවන් 9 දෙනා අප්‍රේල් මස 08 වනදා දක්වා...

POPULAR ARTICLES

අද ඩොලරය

ශ්‍රී ලංකා මහ බැංකුව විසින් අද (26) දින නිකුත් කරන ලද දෛනික විනිමය අනුපාතික සටහනට අනුව එක්සත් ජනපද ඩොලරයක ගැනුම් මිල රු. 297.63ක් ලෙස...

කංචන පොහොට්ටු රැස්විමේ යකා නටලා

ශ්‍රී ලංකා පොදු ජන පෙරමුණේ විධායක සභා රැස්වීමේදී අමාත්‍ය කංචන විජේසේකර මහතා සහ හිටපු ජනාධිපති ගෝඨාභය රාජපක්ෂ මහතාගේ උපදේශකයෙකු වූ එරන්ද ගිනිගේ මහතා අතර...

අවුරුද්දට කලින් මත්පැන් මිලේ වෙනසක්?

එළඹෙන සිංහල හා හින්දු අලුත් අවුරුද්දට පෙර මත්පැන් මිල පහත හෙළීම සඳහා උත්සාහ ගන්නා බව ප්‍රාථමික කර්මාන්ත රාජ්‍ය අමාත්‍ය චාමර සම්පත් දසනායක මහතා පවසනවා බදුල්ල...