2009 යුද්ධය අවසන් වී හමුදාපති ධූරයෙන් සමුගත් පසුත් තමාට නිළධාරීන් 80 ක ආරක්ෂාවක් ලබාදී තිබූ නමුත් 2010 ජනාධිපතිවරණයේ ප්‍රතිඵල ප්‍රකාශයට පත්කර අවසන් වනවිටම එම ආරක්ෂකයන් සියලු දෙනා ඉවත් කර තිබූ බව පාර්ලිමේන්තු මන්ත්‍රී සරත් ෆොන්සේකා මහතා පවසනවා.
අවසානයේ තමාට ඉතිරි වූයේ ගෙදර බල්ලා සහ පිස්තෝලය පමණක් බවයි ඔහු පෙන්වා දෙන්නේ.
ඒ මහතා මේ බව ප්‍රකාශ කරන ලද්දේ සුමන්තිරන් මන්ත්‍රීවරයාගේ ආරක්ෂාව ඉවත් කිරීම සම්බන්ධයෙන් අද (10) පාර්ලිමේන්තුවේදී ඇති වූ සාකච්ඡාවේදී අමාත්‍ය දිනේශ් ගුණවර්ධන මහතා විසින් පලකළ අදහසකට පිළිතුරු දෙමින්.
“ඒ වගේ ඉතිහාසයක් තියෙනවා ආරක්ෂාව ඉවත් කිරීම ගැන. අපි තනියම හිටියේ. අපිට කවුරුහ‍රි ගැහුවත්, මැරයො ආවත්, ත්‍රස්තවාදීන් ආවත් කමක් නෑ, මම කියලා තිබුණා පිස්තෝලේ පතුරම් 10 එවර වෙනකල් මම සටන් කරනවා කියලා. එතකොට ඒ වගේ ඉතිහාසයක් තියාගෙන එක එක අයගෙ ආරක්ෂාව ඉවත් කළා කියලා කතා කරනවා.” යැයි ඒ මහතා පවසයි.
