තමන් ජනාධිපති ධූරයෙන් විශ්‍රාම ගොස් වසර 6 කට පසුව තමන් හට පියයුරු පිළිකාවක් හටගත් බව හිටපු ජනාධිපතිනි චන්ද්‍රකා බණ්ඩාරනායක කුමාරතුංග මහත්මිය පවසනවා.
තමන් ඉතාමත් නිරෝගී කාන්තාවක් බවත් පිළිකාවක් හට ගැනීමට හේතුවන කිසිදු හේතුවක් තමන් හට නොතිබූ බවත් ඇය සදහන් කළේ Youtube නාළිකාවක් සමඟ පැවති සම්මුඛ සාකච්ඡාවකදීය.
කෙසේ වෙතත් පිළිකාවක් සෑදීමට හේතුවන මානසික පීඩනය (Stress)තමන් ජනාධිපති ධූරයෙන් ඉවත්වූ දා පටන් වසර ගණනාවක් යන තුරුම තිබූ බවද ඇය මෙහිදී සදහන් කරනවා.
තමන් ධූරයෙන් ඉවත්වූ දා සිට ඉන් අනතුරුව ජනාධිපති ධූරයට පත් මහින්ද රාජපක්ෂ මහතා විවිධාකාරයේ මානසික හිංසා පීඩා තමන් වෙත එල්ල කල බවද ඇය සම්මුණ සාකච්ඡාවේදී පවසනවා.
ඇයගේ දියණිය වන යශෝධරා කුමාරතුංග මහත්මිය පවසා ඇත්තේ මෙම මානසික පීඩාවන් නිසාවෙන්ම චන්ද්‍රිකා කුමාරතුංග මහත්මියට පිළිකා තත්ත්වය හටගන්නට ඇති බවයි.
කෙසේ වෙතත් මූලික අවධියේදීම පිළිකා තත්ත්වය හදුනාගැනීමට හැකිවූ බැවින් ඇය මේ වන විට සම්පූර්ණ සුවය ලබා ඉතාමත් හොඳ සෞඛ්‍ය තත්ත්වයෙන් පසුවන බවද චන්ද්‍රිකා මහත්මිය මෙහිදී සදහන් කළා.
ඊට අදාල දර්ශන පහතින්, (1.25.00 සිට නරඹන්න)
