රසායනික පොහොර තහනම් කිරීමේ පියවර පිටුපස තමන් සිටි බවට කරන ප්රකාශ තරයේ ප්රතික්ෂේප කරන බව පූජ්ය අතුරලියේ රතන හිමියන් පවසනවා.
රසායනික පොහොර තහනම් කිරීමේ කැබිනට් පත්රිකාව ජනාධිපතිවරයා විසින් කැබිනට් මණ්ඩලයට ඉදිරිපත් කරන තුරු තමන් ඒ පිළිබඳව කිසිදු දෙයක් දැන නොසිටි බවද උන්වහස්නේ අද (26) පාර්ලිමේන්තුවේදී අදහස් දක්වමින් පවසා සිටියා.
කාබනික ගොවිතැන ප්රවර්ධනය කිරීම සඳහා දැවැන්ත මතවාදී ව්යාපාරයක් දියත් කළ බවත්, අමාත්ය මණ්ඩල පත්රිකාවක් මගින් පැය 24ක් තුළ කාබනික ගොවිතැන හඳුන්වා දිය හැකි බවට කිසිවිටෙකත් යෝජනා නොකළ බවත් රතන හිමියන් පවසනවා.
මෙම කාබනික ගොවිතැන් සංකල්පය ක්රියාවට නැංවීම සඳහා රජය විසින් පත් කරන ලද කමිටු දෙකෙන් එකකටවත් තමන් ඇතුළත් නොවූ බවද රතන හිමියන් මෙහිදී පෙන්වා දුන්නා.