ආර්ථික වශයෙන් ඉතාම දැඩි දුෂ්කරතාවයන්ට මුහුණ දෙන පවුල් සඳහා සහන මල්ලක් ලබාදීමට යෝජන කර ඇති බව මුදල් අමාත්‍ය බැසිල් රාජපක්ෂ මහතා පවසනවා.
ඒ, අයවැය යෝජනා සමාලෝචනය කිරීම සඳහා ඊයේ (13) පැවති මාධ්‍ය හමුව අමතමින්.
ඒ පිළිබඳව මේ වන විට වෙළඳ අමාත්‍යංශයට අවශ්‍ය උපදෙස් ලබා දී ඇති බවයි මුදල් අමාත්‍යවරයා පවසන්නේ.
එහි දී පනවා ඇති එකම කොන්දේසිය වන්නේ ඉන් 50% දේශීය සහ ග්‍රාමීය ද්‍රව්‍ය වෙනුවෙන් වැය කළ යුතු බවට වන කොන්දේසිය පමණක් බවයි ඔහු පවසන්නේ.
“අපි ඉතාම අමාරුම අයට සහන මල්ලක් දීම සඳහා මේ වනවිට වෙළෙඳ අමාත්‍යාංශයට ඒ උපදෙස් දීලා තියෙනවා. අපි දාන එකම කොන්දේසිය 50%ක් සහන කූපන් එකෙන් දේශීය ද්‍රව්‍යවලට, ගමේ ද්‍රව්‍යවලට වියදම් කිරීමට අවස්ථාව අනිවාර්යය කරන්න බලාපොරොත්තු වෙනවා.”
එමෙන්ම, විදේශ වෙළඳ භාණ්ඩ බද්ද අය කිරීම සඳහා භාණ්ඩ වර්ග කිහිපයක් හඳුනාගෙන ඇති නමුත් ඒ පිළිබඳව පූර්ව දැනුම්දීමක් සිදුකළහොත් එයින් අයුතු වාසි ලබා ගැනීමට හැකි නිසා ඒ පිළිබඳව හෙළි කිරීමට කල් ගන්නා බවත් ඔහු පවසනවා.
