මතුව ඇති අර්බුදකාරී තත්වය සම්බන්ධයෙන් වැඩබලන ජනාධිපති රනිල් වික්‍රමසිහ ප්‍රකාශයක් නිකුත් කර තිබෙනවා.
ඔහු පවසන්නේ කුමන තත්වයක් යටතේ හෝ ප්‍රජාතන්ත්‍රවාදය ආරක්ෂා කරගත යුතු බවයි.
තමා පෙනී සිටින්නේ ඒ වෙනුවෙන් බවද ඔහු පවසනවා.
අරගලයේ නියුතු ඇතැම් පාර්ශ්ව ආණ්ඩුක්‍රම ව්‍යවස්ථාව නොතකා කටයුතු කළයුතු බවට යෝජනා කරන නමුත් ප්‍රජාතන්ත්‍රවාදී රටක එසේ කටයුතු කළ නොහැකි බවත්, ෆැසිස්ට්වාදීව කටයුතු කිරීමට ඉඩදිය නොහැකි බවත් රනිල් වික්‍රමසිංහ මහතා අවධාරණය කරනවා.
ජනාධිපතිවරයා අද දිනය තුළ ඉල්ලා අස්වන බව ප්‍රකාශ කර ඇති බවත්, ඒ අනුව ඉදිරියේදී පාර්ලිමේන්තුව රැස් වී නව ජනාධිපතිවරයෙකු පත්කර ගැනීමේ ක්‍රියාවලිය, පක්ෂ නායක රැස්වීමේදී තීරණය කළ ආකාරයෙන්ම සිදුවන බවත් පෙන්වා දෙන වික්‍රමසිංහ සඳහන් කරන්නේ එතෙක් රට ෆැසිස්ට්වාදය කරා යාමට ඉඩ නොදී සාමාන්‍ය තත්වයෙන් පවත්වාගෙන යාම තමාගේ වගකීම බවයි.
