සම-අධ්‍යාපනය අවසන් කිරීම අරමුණු කර ගනිමින් ඇෆ්ගනිස්ථානයේ තලේබාන් ඉස්ලාමීය එමීර් රාජ්‍යයේ උසස් අධ්‍යාපන අමාත්‍යාංශය විසින් කාබුල් විශ්වවිද්‍යාලයේ සහ කාබුල් බහුතාක්ෂණික විශ්වවිද්‍යාලයේ ශිෂ්‍යයන්ට සහ ශිෂ්‍යාවන්ට සතියේ වෙන් වෙන් දින අධ්‍යයන කටයුතු වෙන් කර තිබේ.
විශ්ව විද්‍යාල නව කාලසටහන අනුව සතියේ දින තුනක් සියලුම කාන්තා සිසුන් සඳහා වෙන් කර ඇති අතර එම කාලය තුළ පිරිමි ළමුන් පන්ති නොපැමිණෙන අතර ඉතිරි දින තුන පිරිමි සිසුන් සඳහා වෙන්කර ඇත.
අධ්‍යාපන අමාත්‍යාංශයේ ප්‍රකාශක අහමඩ් ටකී වීඩියෝ පටයකින් කියා සිටියේ සිසුන්ට ප්‍රායෝගික ක්‍රියාකාරකම් සහ විද්‍යාත්මක පර්යේෂණ සඳහා ප්‍රමාණවත් කාලයක් ලබා දෙන ලෙස කාබුල් විශ්ව විද්‍යාලයේ අධ්‍යයන සභාව යෝජනා කිරීමෙන් පසුව මෙම තීරණය ගත් බවයි.
කාලසටහන මේ මොහොතේ ක්‍රියාත්මක වන්නේ කාබුල් විශ්ව විද්‍යාලයේ සහ කාබුල් බහුතාක්ෂණික විශ්ව විද්‍යාලයේ පමණක් වන අතර එය මැයි මාසයේදී ක්‍රියාත්මක වේ.
කෙසේවෙතත්, මෙම අවස්ථාව පවා ලැබී ඇත්තේ දැනට එම විශ්ව විද්‍යාලවල අධ්‍යාපනය ලබන සිසුවියන්ට පමණක් වන අතර මේ වන විට නවක සිසුවියන්ට හය ශ්‍රේණියෙන් ඉහළ‍ට අධ්‍යාපනය ලැබීම තහනම් කර තිබේ.
