ඉන්ධන ලබා ගැනීමට විධිමත් වැඩපිළිවෙළක් නොයෙදුවහොත් පාර්ලිමේන්තු රැස්වීම්වලට ඉදිරි දිනවල සහභාගී නොවන බව ආණ්ඩුවේ සහ විපක්ෂයේ මන්ත්‍රීවරුන් රැසක් කතානායක මහින්ද යාපා අබේවර්ධනට දැනුම්දී තිබෙනවා.
ඉන්ධන ප්‍රශ්නය සම්බන්ධයෙන් කතානායකවරයාට මෙසේ පැමිණිලි කර ඇති මන්ත්‍රීවරුන් අතර වැඩි පිරිසක් උතුරු නැගෙනහිර ඇතුළු ඈත දුර බැහැර ප්‍රදේශවල අය වන බවයි වාර්තා වන්නේ.
මේ අතර ඉන්ධන ප්‍රශ්නය හේතුවෙන් පාර්ලිමේන්තු මන්ත්‍රීවරුන් රැසක් පසුගිය පාර්ලිමේන්තු රැස්වීම්වලට සහභාගි නොවූ අතර ඇතැම් මන්ත්‍රීවරුන් සහභාගි වූයේ එක රැස්වීමකට හෝ දෙකකට පමණි.
අභිනව ජනාධිපතිවරයකු පත්කරගැනීම සඳහා තීරණාත්මක ඡන්ද විමසීමක් ලබන සතියේ පැවැත්වීමට නියමිත අතර මේ සඳහා මන්ත්‍රීවරුන්ගේ සහභාගිත්වය වැදගත් වනවා. මේ අනුව, මන්ත්‍රීවරුන්ට අවශ්‍ය ඉන්ධන ලබා ගැනීමේ වැඩපිළිවෙළක් කඩිනමින් ආරම්භ කරන ලෙස කතානායකවරයා නිලධාරීන්ට උපදෙස්දී ඇති බවත් දැනගන්නට ලැබෙනවා.
