අද දිනට ගුරු – විදුහල්පති වැටුප් අරගලය ආරම්භ කර දින 89ක් වන බව ලංකා ගුරු සංගමයේ ලේකම් ජෝසෆ් ස්ටාලින් පවසනවා.
අද (08) දින පැවති මාධ්‍ය හමුවකට එක්වෙමින් ඒ මහතා ප්‍රකාශ කර සිටියේ, ඔක්තෝබර් 21 වන දා පාසල් ආරම්භ කිරීමට පෙර ඒ සඳහා විසඳුමක් අවශ්‍ය බවයි.
නිසි විසඳුම් ලබා නොදුන්නහොත් පාසල් ආරම්භ කිරීම සම්බන්ධයෙන් තීරණයක් ගැනීමට සිදුවන බවයි ජෝසෆ් ස්ටාලින් අවධරණය කර සිටින්නේ.
වැඩිදුරටත් අදහස් දැක්වූ ඒ මහතා,
“අපි ආණ්ඩුවට යෝජනා කරන්නේ, වහාම මේ ක්‍රියාවලිය සිදුකිරීමට පෙර සියලු වෘත්තීය සමිති සමඟ සාකච්ඡා කර, මේ ප්‍රශ්නයට විසඳුමක් ලබාදෙන්න කියන කාරණය. එහෙම නැත්නම් පාසල් ආරම්භ කිරීම සම්බන්ධයෙන් අපිට තීරණයක් ගන්න වෙනවා. මේ වෙනකොට ගුරුවරුන්ව විවිධ කාර්යයන් සඳහා පාසල්වලට කැඳවන්න යනවා. අපි අධ්‍යාපන ලේකම්වරයාටත් සියලුම පළාත් අධ්‍යාපන ලේකම්වරුන්ටත් අපි ලිඛිතව දැනුම්දුන්නා අද දිනයේ දී එවැනි කැඳවීම් සියල්ල අපි වර්ජනය කරනවා කියලා.”
