මත්ද්රව්යවලට ඇබ්බැහිවූවන් බන්ධනාගාරගත නොකරන බව අමාත්ය සරත් වීරසේකර මහතා පවසනවා.
එම පුද්ගලයන්ව පුනරුත්ථාපනයට යොමු කිරීමට බලාපොරොත්තු වන බවයි ඔහු පවසන්නේ.
ඒ, මාලඹේ නව පොලිස් ස්ථානය ආරම්භ කිරීමේ අවස්ථාවට එක්වෙමින්.
මාලඹේ පොලිසියේ ප්රථම පොලිස් ස්ථානාධිපතිවරයා ලෙස ප්රධාන පොලිස් පරීක්ෂක නිරෝෂන් සිංහපුරු මහතා පත් කර ඇති අතර මෙහිදී තවදුරටත් අදහස් දැක්වූ අමාත්ය සරත් වීරසේකර මහතා සඳහන් කළේ පාස්කු ප්රහාරයේ වරදකරුවන්ට නිදහස් වීමට මෙම රජය තිබෙන තාක් කල් ඉඩ නොදෙන බවයි.
බස්නාහිර පළාත භාර ජ්යෙෂ්ඨ නියෝජ්ය පොලිස්පති දේශබන්දු තෙන්නකෝන් මහතාද මෙම අවස්ථාවට එක්ව සිටියා.