ඇෆ්ගනිස්තානයේ මාධ්ය සදහා හදුන්වා දී ඇති නව නීති සහ රෙගුලාසිවලට අන්තර් ජාතික ජනමාධ්යවේදීන්ගේ සංගමය සිය විරෝධය පළකර තිබේ.
එම සංගමය පෙන්වා දී ඇත්තේ තලේබාන් පාලනය විසින් හදුන්වා දී ඇති නව නීති හා රෙගුලාසි හරහා ඇෆ්ගනිස්තානයේ මාධ්ය නිදහස සහ අදහස් ප්රකාශ කිරීමේ අයිතිය දැඩි සීමා කිරීම් සහ පාලනයට යටත් කොට ඇති බවයි.
තලේබාන් පාලනය යටතේ ස්ථාපිත ඇෆ්ගනිස්තාන රජයේ මාධ්ය මධ්යස්ථානය පසුගියදා එරට මාධ්ය නියාමනය සදහා නව රෙගුලාසි 11 ක් හදුන්වා දෙනු ලැබිණ.
එම රෙගුලාසිවලට අනුව ඉස්ලාම් දහම සහ ගැටෙන කිසිදු අදහසක් ප්රකාශ කිරීම සහ වාර්තා කිරීම මාධ්යයට තහනම් කොට තිබේ.
එහි ඇතුළත් තවත් රෙගුලාසියක දැක්වෙන්නේ සියලු මුද්රිත, විද්යුත් සහ නව මාධ්ය ඔස්සේ ජාතික වශයෙන් වැදගත්වන චරිතවලට අපහාස කිරීමද නොකළ යුතු බවයි.
තලේබාන්වරුන්ගේ මෙම රෙගුලාසි හේතුවෙන් ඇෆ්ගනිස්තානයේ මාධ්ය පූර්ව වාරණයකට ලක්වන බව අන්තර් ජාතික ජනමාධ්යවේදීන්ගේ සංගමය පෙන්වා දී තිබෙනවා.
එම සංගමය මීට පෙර සදහන් කර තිබුණේ තලේබාන්වරුන් ඇෆ්ගනිස්තානයේ බලය ලබා ගැනීමෙන් පසු එරට මාධ්ය ආයතන 153 ක් පමණ වැසී ගොස් ඇති බවයි.