තමා ඛනිජතෙල් සංස්ථාවට ගොස් නවතින බව කෘෂිකර්ම අමාත්ය මහින්ද අමරවීර පවසනවා.
ඒ, ඊයේ (23) ගොවි නායකයින් සමඟ කෘෂිකර්ම අමාත්යාංශයේ පැවති සාකච්ඡාවකින් අනතුරුව යි.
කෘෂිකර්මයට අවශ්ය ඉන්ධන ලබා දීම ඉක්මනින් කළ යුතු යැයි කොපමණ කීවත් ඛනිජතෙල් සංස්ථාව එය වටහා නොගැනීම නිසා ගොවීන්ට ඉන්ධන නිකුත් කරන තුරු තමා එලෙස ඛනිජතෙල් සංස්ථාවට ගොස් නවතින බවයි අමාත්ය වරයා පවසන්නේ
මේ අතර, ලබන මහ කන්නයේ දී වී වගාවට අවශ්ය යූරියා පොහොරවලට අමතර ව ගොවි ජනතාවගේ ඉල්ලීම පරිදි බණ්ඩි පොහොර හෙවත් මියුරේට් ඔෆ් පොටෑෂ් ලබාදීම සඳහා ඇමරිකානු ඩොලර් මිලියන 25ක් ලබාදීමට මුදල් අමාත්යාංශය එකඟතාව පළ කර ඇති බව ද කෘෂිකර්ම අමාත්ය මහින්ද අමරවීර ප්රකාශ කළා.