ජනාධිපතිවරයා සමග එළඹෙන සතියේ සාකච්ඡාව පැවැත්වීමට පෙර ජනාධිපති ලේකම්වරයා විසින් වෘත්තීයවේදීන්ගේ වෘත්තීය සමිති එකමුතුව ඊයේ (17) සාකච්ඡාවක් සඳහා කැඳවා තිබුණා.
උපයනවිට බද්දට අදාළව සහනයක් ලබාගැනීම සඳහා ජනාධිපතිවරයා සමග ඉදිරියේදී පැවැත්වෙන සාකච්ඡාවේදී ස්ථිර කාලරාමුවක් සකස් කරගැනීමට ජනාධිපති ලේකම්වරයා එකඟතාවය පළ කළ බව වෘත්තීයවේදීන්ගේ වෘත්තීය සමිති එකමුතුව පවසනවා.
ජනාධිපතිවරයා වෘත්තීය සමිති සමග සෘජු සාකච්ඡාවක් පැවැත්වීමට සූදානම් බවට දන්වා එවන ලද ලිපියට ප්‍රතිචාර ලෙස රජයේ නව බදු ප්‍රතිපත්තිය හා ඉල්ලීම් කිහිපයක් මුල් කරගනිමින් වෘත්තීයවේදින්ගේ වෘත්තීය සමිති එකමුතුව දියත් කළ වැඩවර්ජනය අවසන් කෙරුණා.
