චීනයේ තර්ජනවලට බිය නොවන බවත් ප්රජාතන්ත්රවාදය වෙනුවෙන් මුල්තැන දෙමින් ලොව පුරා සිටින සිය මිතුරන් සමග එක්ව කටයුතු කරන බවත් තායිවාන ජනාධිපතිනිය අවධාරණය කරයි.
තායිවාන ජනාධිපතිනි සායි ඉන් වෙන් මෙම අදහස් පළකර ඇත්තේ චීනය විසින් දිගින් දිගටම සිදුකරන ගුවන් සීමා උල්ලංඝණය කිරීම් සහ බාධා කිරීම් පිළිබද අදහස් දක්වමිනි.
ඇය එහිදී වැඩිදුරටත් අවධාරණය කර ඇත්තේ චීනයේ බලහත්කාරී සහ අත්තනෝමතික ක්රියාකාරකම්වලට ප්රජාතන්ත්රවාදය පදනම් කරගත තම වැඩපිළිවෙළ නැවැත්වීමට හැකියාවක් නොමැති බවයි.
චීනය විසින් පසුගිය සති කිහිපය තුළ සිය ගුවන් හමුදා යානා යොදා ගනිමින් තායිවාන ගුවන් සීමාව උල්ලංඝණය කිරීමේ අවස්ථා රැසක් වාර්තා විය.
මේ අතර ඕස්ට්රේලියානු අග්රාමාත්ය ටෝනි ඇබට් පසුගියදා සිදුකළ තායිවාන සංචාරය සම්බන්ධයෙන් ද චීනය සිය විරෝධය පළ කර තිබිණ.