ඉන්දියාව සහ ඕස්ට්රේලියාව විස්තීරණ ආර්ථික සහයෝගීතා ගිවිසුමක් සඳහා කටයුතු කරමින් සිටින බව ඕස්ට්රේලියානු අගමැති ඇන්තනි ඇල්බනීස් පැවසීය.
ගිවිසුම මේ වසරේදී අවසන් කිරීමට හැකිවනු ඇතැයි තමන් බලාපොරොත්තු වන බවද ඔස්ට්රේලියානු අග්රාමාත්යවරයා වැඩිදුරටත් ප්රකාශ කළේය.
දෙරට අතර ඉහළ මට්ටමේ සම්බන්ධතා බොහෝ අංශ හරහා සහයෝගීතාව තවදුරටත් ශක්තිමත් කර ඇති බව ඇල්බනීස් පෙන්වාදුන්නේය.
පසුගිය වසරේ දෙරට අතර නිදහස් වෙළෙඳ ගිවිසුමක් අත්සන් කර තිබිණි. ඔස්ට්රේලියානු අග්රාමාත්යවරයා ඉන්දියාවේ තෙදින නිල සංචාරය අතරතුර ඉන්දියා-ඕස්ට්රේලියා පළමු වාර්ෂික සමුළුවේදී මෙම අදහස් පල කළේය.
ඒකාබද්ධ මාධ්ය හමුවේදී අග්රාමාත්යවරයා ප්රකාශ කළේ ඉන්දියාව සමඟ ඇති ආරක්ෂක සහයෝගීතාව ශක්තිමත් කිරීමට ඕස්ට්රේලියාව ද එකඟ වූ බවයි.
විස්තීරණ ආර්ථික සහයෝගීතා ගිවිසුම මගින් දෙරටටම නව රැකියා අවස්ථා විවෘත කරන බව ද ඔහු පැවසීය.