රුසියාවේ නිෂ්පාදිත S 400 වර්ගයේ මිසයිල් ආරක්ෂණ පද්ධති මිලදී ගැනීම පිළිබද ඇමරිකාව සිය විරෝධය පළකිරීම සම්බන්ධයෙන් ඉන්දියාව සිය ස්ථාවරය ප්‍රකාශයට පත් කොට තිබේ.
ඉන්දීය විදේශ අමාත්‍යාංශයේ ප්‍රකාශක අරවින්ද් බගාචි සදහන් කරන්නේ ඉන්දියාවේ ආරක්ෂාව සම්බන්ධයෙන් තීරණ ගැනීමේදී ජාතික අවශ්‍යතාවය මූලික කොට සළකන බවයි.
කෙසේවෙතත්, ඇමරිකාව සහ ඉන්දියාව අතර පවතින ආරක්ෂක සබදතාද නොවෙනස්ව ශක්තිමත්ව ඉදිරියට පවත්වාගෙන යන බව ඔහු සදහන් කළේය.
ඉන්දියාව රුසියාවෙන් එස් 400වර්ගයේ මිසයිල ආරක්ෂණ පද්ධති මිලදී ගැනීම සම්බන්ධයෙන් ඇමරිකාව විරෝධය පළකළ අතර එම ගනුදෙනුව සිදුවුවහොත් ඉන්දියාවට සම්බාධක පැනවීමක් සිදුකරන බවටද සදහන් කර තිබිණ.
එහෙත් එම සම්බාධක නොතකා ඉන්දියාව රුසියාවෙන් අදාළ මිසයිල මිලදී ගැනීමට කටයුතු කරනු ලැබිණ.
