ඉන්දීය සම්භවයක් ඇති ඇමරිකානු මාධ්යවේදියෙකු දිල්ලි නුවරට ගොඩ බැස්ස විගස ඔහු යළිත් නිව්යෝර්ක් වෙත පිටුවහල් කළ බවට ඔහුගේ පවුලේ ඥාතීන් චෝදනා කරනවා.
වයිස් නිවුස් ප්රවෘත්ති සේවය සඳහා වාර්තා චිත්රපට නිෂ්පාදනය කරන අංගද් සිං ඉන්දියාවේ පෞද්ගලික සංචාරයක යෙදී සිටි බව ඔහුගේ මව ගුර්මීත් කෞර් පවසනවා.
ඉන්දියාවේ කොවිඩ් අර්බුදය සහ ගොවීන්ගේ විරෝධතා පිළිබඳ වාර්තා චිත්රපට නිර්මාණය කර ඇති සිං මහතා ආපසු හරවා යැවීමට කිසිදු හේතුවක් ලබා දී නොමැති බව BBC ලෝක සේවය වාර්තා කරනවා.
කෙසේවෙතත් අදාළ සිදුවීම සම්බන්ධයෙන් ඉන්දීය රජය මෙතෙක් අදහස් දක්වා නැහැ.
සිංගේ පවුලේ අය පවසන්නේ අංගද් සිං විවිධ රටවල මහජන ව්යාපාර කෙරෙහි අවධානය යොමු කරන බවත් ඔහු ශ්රී ලංකාව, හොංකොං, මියන්මාරය, ඉන්දියාව සහ පාකිස්තානය ඇතුළු බොහෝ රටවල විරෝධතා පිළිබඳ වාර්තා චිත්රපට නිර්මාණය කර ඇති බවත්ය.
ඉන්දියාවේ පවතින කෘෂිකාර්මික නීතිවලට එරෙහිව ගොවීන්ගේ විරෝධතාද ඔහු ආවරණය කර තිබුණා.
ඉන්දියාවේ කොවිඩ්-19 හි විනාශකාරී දෙවන රැල්ල පිළිබඳ ඔහුගේ වාර්තාකරණය හේතුවෙන් අංගද් සිං එමී සම්මානයටද නාමයෝජනා වුණා.