ඇමරිකාව සමග අත්සන් තැබූ MCC හෙවත් සහස්‍ර අභියෝග සහයෝගීතා ගිවිසුම යටතේ හිමිවූ අධාර මුදල් යොදාගෙන ඉන්දියාවේ සිට විදුලිය ලබා ගැනීමට නේපාලය තීරණය කර තිබේ.
අදාළ මිලේනියම් චැලේන්ජ් කෝපරේෂන් ගිවිසුම යටතේ නේපාලයට ඩොලර් මිලියන 500 ක ආධාර මුදලක් හිමිව ඇත්තේ විදුලි බල සහ මාර්ග සංවර්ධනය වෙනුවෙනි.
ඒ මුදලින් කොටසක් යොදාගෙන ඉන්දියාවෙන් විදුලිය මිලදී ගැනීමේ ව්‍යාපෘතියක් දියත් කිරීමට නේපාලය තීරණය කර ඇති අතර ඊට අදාළ ගිවිසුමට පසුගියදා අත්සන් තැබිණ.
මෙහිදී නේපාලයේ, බුත්වාල් සිට ඉන්දියාවේ ගොරොක්පූර් දක්වා දේශසීමාව හරහා දිවෙන විදුලි සම්ප්‍රේෂණ පද්ධතියක් ඉදිකිරීමට නියමිත අතර ඒ හරහා කිලෝවොට් 400 ක විදුලි ප්‍රවාහයක් සම්ප්‍රේෂණය කෙරෙනු ඇත.
නේපාලයේ සිට ඉන්දියාව දක්වා දේශසීමාව හරහා ඉදිකෙරෙන දෙවන විදුලි සම්ප්‍රේෂණ පද්ධතිය මෙය වන අතර දැනටමත් ඩොල්ක්බාර් සිට මුසාෆර්පුර් දක්වා කිලෝවොට් 400 ක විදුලි සම්ප්‍රේෂණ පද්ධතියක් ක්‍රියාත්මක වේ.
