සීක් බෙදුම්වාදීන්ගේ කලිස්තාන් බෙදුම්වාදී ව්යාපාර ඇමරිකාව පුරා නිදහසේ ක්රියාත්මක වන බවට ඉන්දියාව අනාවරණය කර තිබේ.
විදෙස් වාර්තා සදහන් කළේ, ඉන්දීය බලධාරීන් මීට අදාළ විශේෂ වාර්තාවක් දැනටමත් ඇමරිකානු බලධාරීන් වෙත යවා ඇති බවයි.
එහෙත් ඇමරිකානු බලධාරීන් මේ සම්බන්ධයෙන් නිසි ප්රතිචාර දක්වා නොමැති බවටද ඉන්දියාව චෝදනා නගා තිබේ.
අදාළ වාර්තාව මගින් කලිස්තාන් බෙදුම්වාදී ව්යාපාරයන්ට පකිස්තානයෙන් විවිධාකාරයෙන් සහය හිමිවන බවටද චෝදනා නගා ඇතැයි විදෙස් වාර්තාවල දැක්වේ.
මෙම තත්වය තුළ ඉන්දියාව තුළ බෙදුම්වාදී සහ ත්රස්තවාදී ක්රියාවලට සම්බන්ධ බවට විශ්වාස කළ හැකි සියලුම කලිස්තාන් බෙදුම්වාදීන්ට එරෙහිව කඩිනම් සහ විධිමත් පියවර ගන්නා ලෙස ඉන්දියාව ඇමරිකාව වෙත අවධාරණය කර ඇතැයිද පැවසේ.
කලිස්තාන් බෙදුම්වාදී ව්යාපාර යනුවෙන් අදහස් කරන්නේ, ඉන්දියාවේ පන්ජාබ් ප්රාන්තයේ කේන්ද්ර කරගෙන වෙනම සීක් රාජ්යයක් ඇති කිරීම වෙනුවෙන් පෙනී සිටින සංවිධානයි.