පුද්ගලයින් අට දෙනෙකු ජීවිතක්ෂයට පත් කිරීමේ සිද්ධියක් සම්බන්ධයෙන් චෝදනා ලැබ සිටින ඉන්දීය ප්රාන්ත ඇමතිවරයකු ගේ පුතකු දින හයකට පසු අත්අඩංගුවට ගෙන තිබෙනවා.
මෙම චෝදනා එල්ල වී ඇත්තේ කණිෂ්ඨ ස්වදේශ කටයුතු ඇමතිවරයකු වන අජේ මිෂ්රාගේ පුත් ආශිෂ් මිෂ්රා හටයි.
උත්තර් ප්රදේශ් ප්රාන්තයේ විරෝධතාවයක නිරත වූ ගොවීන් පිරිසක් යට කරමින් ඇමති අජේ මිෂ්රාට අයත් මෝටර් රථයක් ඔහුගේ පුත් අජේ මිෂ්රා ධාවනය කිරීම හේතුවෙන් ගොවීන් හතර දෙනෙක් ජීවිතක්ෂයට පත් වුණා.
මෙම සිදුවිමෙන් පසු කෝපයට පත් ජනතාව මෝටර් රථයේ සිටි රියදුරු ඇතුළු තිදෙනෙකුට පහරදී තිබුණා.
එම ස්ථානයේ ඇතිවූ ප්රචණ්ඩ ක්රියා හේතුවෙන් තවත් පුද්ගලයින් 4 දෙනෙකු මියගිය අතර මියගිය පිරිස අතර මාධ්යවේදියකු ද ඇතුළත් වනවා.
මේ සම්බන්ධයෙන් පැය 12 කට වැඩි කාලයක් ප්රශ්න කිරීමෙන් අනතුරුව ආශිෂ් මිෂ්රා අත්අඩංගුවට ගැණුනා.
පසුව දින 14 ක් ඔහුව අධිකරණ භාරයේ රැඳවීමට කටයුතු කර ඇති බවයි ඉන්දීය මාධ්ය වාර්තා කරන්නේ.