ආර්ථික ප්රතිසංස්කරණ සහ ව්යාපාර කිරීමේ පහසුව හේතුවෙන් වත්මන් මූල්ය වර්ෂයේදී ඉන්දියාව ඩොලර් බිලියන 100 ක සෘජු විදේශ ආයෝජන (FDI) ආකර්ෂණය කර ගැනීමට පියවර ගනිමින් සිටින බව එරට රජය පවසයි.
වර්ෂ 2021-22 දී, ඉන්දියාවට වාර්තා වූ ඉහළම විදේශ ආයෝජන ලෙස ඩොලර් බිලියන 83.6 ක් ලැබී තිබුණි.
මෙම සෘජු විදේශ ආයෝජන රටවල් 101 කින් පැමිණ ඇති අතර රට තුළ ප්රාන්ත 31 ක් සහ ක්ෂේත්ර 57 ක් හරහා එම ආයෝජනය සිදු කර තිබිණ.
මෑත වසරවල ආර්ථික ප්රතිසංස්කරණ සහ ව්යාපාර කිරීමේ පහසුව මත ඉන්දියාව ඩොලර් බිලියන 100 ක සෘජු විදේශ ආයෝජන ආකර්ෂණය කර ගැනීමේ මාවතේ ගමන් කරන බව එරට වාණිජ හා කර්මාන්ත අමාත්යංශ නිවේදනයක දැක්වේ.
විදේශ ආයෝජන ආකර්ෂණය කර ගැනීම සඳහා රජය ලිබරල් සහ විනිවිද පෙනෙන ප්රතිපත්තියක් ක්රියාත්මක කර ඇති අතර බොහෝ අංශ ස්වයංක්රීය මාර්ගයක් යටතේ සෘජු විදේශ ආයෝජන සඳහා විවෘත කර තිබේ.
වත්මන් මූල්ය වර්ෂයේ අප්රේල්-ජූනි කාලය තුළ ඉන්දියාවේ සෘජු විදේශ ආයෝජන කොටස් ගලා ඒම ඩොලර් බිලියන 16.6 දක්වා සියයට 6 කින් පහත වැටී ඇත.
2021-22 දී සෙල්ලම් බඩු ආනයනය ඩොලර් මිලියන 110 දක්වා සියයට 70 කින් අඩු වී ඇති අතර අපනයනය ඩොලර් මිලියන 326 දක්වා සියයට 61 කින් ඉහළ ගොස් තිබේ.