ඉන්දියාව පසුගියදා ප්‍රථම වරට Su-30 MKI ප්‍රහාරක ගුවන් යානයක් යොදාගෙන බ්‍රහ්මෝස් මිසයිල ප්‍රහේදයේ කිලෝමීටර් 450 ක දුරක් ගමන් කළ හැකි නව වර්ගයක් සාර්ථකව අත්හදා බලා තිබේ.
ඉන්දීය ගුවන් හමුදාව පැවසුවේ, ගුවන් යානයෙන් දියත් කිරීම සැලසුම් කළ පරිදි සිදු වූ බවත් මිසයිලය බෙංගාල බොක්ක කලාපයේ නියමිත ඉලක්කයට සෘජුවම පතිත වූ බවත්ය.
මිසයිලයේ විස්තීරණ පරාස හැකියාව සහ Su-30MKI ගුවන් යානයේ ඉහළ කාර්ය සාධනය ඉන්දීය ගුවන් හමුදාවට උපාය මාර්ගික ප්‍රවේශයක් ලබා දෙන බව ඉන්දීය ගුවන් හමුදාව වැඩිදුරටත් සදහන් කර තිබේ.
මේ අතර ශබ්දය මෙන් තුන් ගුණයක වේගයෙන් පියාසර කරන න්‍යෂ්ටික නොවන මිසයිලයක් වන බ්‍රහ්මෝස් හි කිලෝමීටර් 800 ක පරාසයක ප්‍රභේදයක් ද මේ වන විට සංවර්ධන අත්හදා බැලීම්වලට භාජනය වෙමින් පවතින බව ඉන්දීය මාධ්‍ය වාර්තා කරයි.
ජනවාරි මාසයේදී බාලසෝර් හි අන්තර්කාලීන පරීක්ෂණ පරාසයේ සිට පළමු වරට අත්හදා බැලූ මෙම මිසයිල ප්‍රභේදය 2023 වසර අවසානයේ නිෂ්පාදනය සඳහා සූදානම් වනු ඇති බව පැවසේ.
