මාර්ග, දුම්රිය මාර්ග, ගුවන් තොටුපල, ක්‍රීඩා සංකීර්ණ, විදුලි සම්ප්‍රේෂණ පද්ධති සහ ගෑස් බෙදාහැරීමේ නල පද්ධති ඇතුළු රාජ්‍ය දේපළ රැසක් පෞද්ගලික අංශය වෙත බදුදීමට ඉන්දියාව තීරණය කර තිබේ.
වර්ෂ හතරක කාලයක් සදහා අදාළ දේපලවල කළමනාකරණය පෞද්ගලික අංශයට පැවරීමට නියමිත අතර එමගින් උපයා ගැනීමට අපේක්ෂිත ආදායම ඩොලර් බිලියන 81 කි.
අගමැති නරේන්ද්‍ර මෝදිගේ මෙහෙයවීමෙන් ක්‍රියාත්මක රජය අතිශයෙන්ම අත්‍යවශ්‍ය යටිතල පහසුකම් සැපයීමේ ක්‍රියාවන් සුලු ප්‍රමාණයකට පමණක් දායක වී සෙසු සියල්ල පෞද්ගලික අංශය වෙත පැවරීමේ වැඩපිලිවෙළ යටතේ මෙය ක්‍රියාත්මක වේ.
මෙහිදී තවමත් සම්පූර්ණයෙන්ම පාහේ රාජ්‍ය අංශය යටතේ ක්‍රියාත්මක දුම්රිය සේවය සදහා සැළකිය යුතු ලෙස පෞද්ගලික අංශයේ ආයෝජන සහ දායකත්වය ලබා ගැනීමට ප්‍රමුඛත්වයත් හිමිවන බවද සදහන් වේ.
මෙම වැඩපිලිවෙළ එළිදක්වමින් මුදල් අමාත්‍ය නිර්මලා සීතාරාමන් සදහන් කළේ මෙම සියලු සම්පත්වල අයිතිය රජය සතුවන අතර කළමනාකරණය පමණක් නිශ්චිත කාලසීමාවක් සදහා පෞද්ගලික අංශයට භාරදෙන බවයි.
