ඉන්දු-එක්සත් ජනපද ඒකාබද්ධ පුහුණු අභ්‍යාසයේ 18 වන සංස්කරණය “Yudh Abhyas 22” ඉන්දියාවේ උත්තර්කාන්ද් හි දී පැවැත්වීමට නියමිතව තිබේ.
දෙරටේ හමුදාවන් අතර පුහුණුව, උපක්‍රම, ශිල්පීය ක්‍රම සහ ක්‍රියා පටිපාටි හුවමාරු කර ගැනීමේ අරමුණින් මෙම යුධ අභ්‍යාසය ඉන්දියාව සහ ඇමරිකා එක්සත් ජනපදය අතර වාර්ෂිකව පවත්වනු ලැබේ.
අභ්‍යාසයේ පෙර සංස්කරණය 2021 ඔක්තෝම්බර් මාසයේදී ඇමරිකා එක්සත් ජනපදයේ ඇලස්කාවේ එල්මෙන්ඩෝෆ් රිචඩ්සන් හිදී පවත්වන ලදී.
ඇමරිකානු 11 වන ගුවන් සේනාංකයේ 2 වන බලසේනාවේ හමුදා සෙබළුන් සහ ඉන්දීය ASSAM රෙජිමේන්තුවේ හමුදා සෙබළුන් මෙම අභ්‍යාසයට සහභාගී වීමට නියමිතයි.
පොදු අරමුණු සාක්ෂාත් කර ගැනීම සඳහා දෙරටේ හමුදා එක්ව කටයුතු කරනු ඇති බවත් ඒකාබද්ධ අභ්‍යාසය මානුෂීය ආධාර සහ ආපදා සහන මෙහෙයුම් කෙරෙහි ද අවධානය යොමු කරන බවත් සදහන් වේ.
ඕනෑම ස්වභාවික විපතක් හමුවේ ජාතීන් දෙකේම භට පිරිස් කඩිනම් සහ සම්බන්ධීකරණ සහන කටයුතු දියත් කිරීමට මෙම අභ්‍යාසය ඉවහල් වනු ඇතැයි විශ්වාසය පළවී තිබේ.
