චීනය වෙනුවට සිය සැපයුම්දාම සම්බන්ධ කිරීම සඳහා ලොව පුරා සමාගම්වලට පවතින විකල්ප, ආකර්ශනීය විකල්ප ස්ථාන ලෙස ඉන්දියාව සහ වියට්නාමය සලකන බව නව ගෝලීය සමීක්ෂණයකින් හෙළිදරව් කර තිබේ.
ජර්මානු බහාලුම් සැපයුම් සමාගමක් වන කන්ටේනර් xChange විසින් සිදු කර ඇති මෙම සමීක්ෂණයෙන් පෙන්වාදී ඇත්තේ, මෙහිදී 2023 වසර සඳහා නැව් සහ සැපයුම්දාම කර්මාන්ත ප්රවණතා පිළිබඳව රටවල් 20 කට අධික සංඛ්යාවක කර්මාන්ත වෘත්තිකයන් 2,600 කට අධික සංඛ්යාවක් සමීක්ෂණයට සහභාගී කරවාගෙන ඇති බවයි.
ඊට ප්රතිචාර දැක්වූවන්ගෙන් සියයට 67 ක් මේ වසරේ ඉන්දියාව සහ වියට්නාමය “ක්රියාකාරී බහාලුම් නැව් මධ්යස්ථාන ලෙස ඉහළ යනු ඇතැයි” විශ්වාස කරන බව සොයා ගන්නා ලද බව සමීක්ෂණ වාර්තාව අනවරණය ආකාරයි.
පසුගිය වසරේ අප්රේල් සිට දෙසැම්බර් දක්වා ඉන්දියාවේ ඇපල් අයිෆෝන් අපනයනය, ඊට පෙර මූල්ය වර්ෂයේ දී මෙන් දෙගුණයකින් පමණ වැඩි වී ඇති අතර, ප්රමුඛ පෙළේ ඉන්දියානු සමූහ ව්යාපාරයක් වන ටාටා සමූහය තායිවාන නිෂ්පාදකයෙකුගෙන් සමාගම මිලදී ගැනීමට සූදානම්ව සිටින අතර, එමඟින් ඉන්දියාවට සිය ප්රථම ගෘහස්ථ අයිෆෝන් කර්මාන්ත ශාලාව ලබා දෙනු ඇති බවයි මාධ්ය වාර්තා සඳහන් කරන්නේ.
මේ අතර, වියට්නාම රජය විසින් නිකුත් කරන ලද රේගු දත්ත වලට අනුව, ස්මාර්ට් ෆෝන් සහ අනෙකුත් ඉලෙක්ට්රොනික උපාංගවල ප්රබල අපනයනය හේතුවෙන් එක්සත් ජනපදය සමඟ වියට්නාමයේ වෙළඳ අතිරික්තය 2022 දී වාර්තාගත ඉහළ මට්ටමකට පැමිණ තිබේ.