අද (10) සවස 5.00 වන විට ඉන්දීය වෛද්‍යවරුන් යළි සේවයට වාර්තා කළ යුතු බව, ඉන්දීය ශ්‍රේෂ්ඨාධිකරණය ඊයේ නියෝග කළා.
කෙසේ නමුත්, වැඩවර්ජනයේ නිරත බටහිර බෙන්ගාල් ප්‍රාන්තයේ වෛද්‍යවරුන් පවසන්නේ තම ඉල්ලීම් ඉටු වන තුරු අඛණ්ඩව වර්ජනය ක්‍රියාත්මක කරන බවයි.
අගෝස්තු 09 වැනිදා කොල්කටා නගරයේ රජයේ රෝහලක රාත්‍රී වැඩ මුරයේ සේවය කළ වෛද්‍යවරියක්, දූෂණය කර ඝාතනය කිරීමේ අමානුෂික සිදුවීමට එරෙහිව වෛද්‍යවරුන් මෙම වැඩවර්ජනය ආරම්භ කර තිබුණා.
ඇගේ ඝාතනය සම්බන්ධයෙන් විධිමත් පරීක්ෂණයක් සහ වෛද්‍යවරුන්ට නිසි ආරක්ෂාවක් ලබා දෙන්නැයි ඉන්දීය රජයෙන් ඉල්ලමින් පසුගිය මාසයක කාලයක් පුරා මෙම විරෝධතා සහ වැඩවර්ජන පැවැත්වුණා.
