සහනාධාර ලෙස සහල් ඇතුළු ධාන්ය ලබාදීමේ රජයේ යෝජනා ක්රමය දීර්ඝ කිරීමෙන් පසු සැපයුම ඉහළ යාමත් සමඟ මේ සතියේ ඉන්දියාවේ සහල් අපනයන මිල පහත වැටී ඇතැයි වාර්තා වේ.
මේ අතර ලෝකයේ සෙසු තරගකාරී සහල් අපනයනකරුවන් වන වියට්නාමයේ සහ තායිලන්තයේ අපනයනයන්, මිල අඩු ඉල්ලුම සහ ඉහළ යන නිෂ්පාදන මිල මධ්යයේ බොහෝ දුරට ස්ථායි මට්ටමක පවතින බව සඳහන් වේ.
සහල් වෙළඳ පොළේ ඉහළම අපනයනකරු වන ඉන්දියාවේ 5% කැඩුණු සහල් ප්රභේදය පසු ගිය සතියේ ටොන් එකක් ඩොලර් 367- 370 දක්වා මිල ගණන්වල පැවති අතර මේ සතියේ එම මිල ගණන් පහත වැටී ඇත්තේ ටොන් එකක් ඩොලර් 365-369 දක්වා අගයකිනි.
ඉන්දීය වෙළෙඳුන් පෙන්වා දී ඇත්තේ ආණ්ඩුව දිළිදු ජනතාවට නොමිලයේ සහල් සහ තිරිඟු බෙදා හැරීම ආරම්භ කිරීමත් සමඟ විවෘත වෙළඳ පොළේ සැපයුම් වැඩි දියුණු වීමෙන් මෙම් තත්ත්වය උදා වී ඇති බවයි.