ඉන්දියාවෙන් මෙරටට සීනි ආනයනය ලබන සතිය වන විට මුළුමණින්ම නතර වනු ඇතැයි නිදහස් පක්ෂ මහ ලේකම් පාර්ලිමේන්තු මන්ත්‍රී දයාසිරි ජයසේකර පෙන්වා දෙනවා.
ඒ, පක්ෂ සභාපති හිටපු ජනාධිපති මෛත්‍රීපාල සිරිසේනගේ ප්‍රධානත්වයෙන් පැවති මාධ්‍ය හමුවක් අමතමින්.
ඉන්දීය සීනි අවසන් වීමෙන් අනතුරුව බ්‍රසීලයෙන් සීනි ආනයනය කිරීමට සිදුවනු ඇති බවත් එය වඩාත් මිල අධික බවත් මන්ත්‍රීවරයා කියා සිටියා.
වත්මන් අර්බුදයන් විසඳීමට වත්මන් රජයට කිසිඳු වැඩපිළිවෙලක් නොමැති බවයි ඔහු අවධාරණය කරන්නේ.
21වන ව්‍යවස්ථා සංශෝධනය පෙන්වමින් ආර්ථික අර්බුදයන් විසඳීම දිනෙන් දින වත්මන් ආණ්ඩුව විසින් කල් දමමින් ඇති බවත් ඔහු පවසනවා.
