ජූලි මස උද්ධමනය, ජූනි මාසයට සාපේක්ෂව සාපේක්ෂව සියයට 0.7කින් ඉහළ ගොස් ඇති බව ශ්රී ලංකා මහ බැංකුව වාර්තා කරනවා.
ඒ අනුව ජූලි මස වාර්තා වූ මතුපිට උද්ධමනය සියයට 6.8කි.
මතුපිට උද්ධමනය යනු පොදු මිල මට්ටමේ සැබෑ වශයෙන් හටගන්නා ඉහළ යාමකි. එනම් සැපයුම් කම්පන නිසා හෝ පරිපාලන තීරණ නිසා හෝ මිල ගණන්වල තාවකාලිකව සිදුවන ඉහළ යාම් මතුපිට උද්ධමන අනුපාතය තුළ පෙන්වයි. තවද, මෙහිදී කාළගුණික හෝ ස්වාභාවික වෙනස්කම් මත සිදුවන නිෂ්පාදන පහත වැටීම්, බදු සහ පාලන මිලයන් වල වෙනස්කම් නිසා ඇතිවන සැපයුම් අංශයේ කම්පන මගින් මතුපිට උද්ධමනයේ විශාල උච්චාවචන හටගනී.
ජූලි මස උද්ධමනය මේ වසරේ වාර්තා වූ ඉහළම උද්ධමනයයි.
ආහාර සහ ආහාර නොවන කාණ්ඩ දෙකෙහිම මිල ගණන්වල සිදුවී ඇති ඉහළ යෑම මෙම තත්ත්වයට හේතුවී ඇති බව ශ්රී ලංකා මහ බැංකුව පවසයි.