බන්ධනාගාර තුළ සිදුවන මත්ද්රව්ය ජාවාරම් සහ පාතාලය සම්බන්ධ කටයුතු මැඩ පැවැත්වීමට පියවර ගන්නා ලෙස ජනාධිපති අනුර කුමාර දිසානායක මහතා උපදෙස් දී තිබෙනවා.
ඒ ජනාධිපති කාර්යාලයේ ඊයේ (30) පැවති සාකච්ඡාවකට එක්වෙමිනි.
මත්ද්රව්ය සහ පාතාලය සම්බන්ධ රැඳවියන්ගේ නඩු කටයුතු කඩිනමින් නිම කරන ලෙස මෙහිදී නිලධාරීන්ට ජනාධිපතිවරයා දැනුම් දී තිබුණා.
ඒ සඳහා මාර්ගගත ක්රමය අනුගමනය කිරීමේ හැකියාව ද ජනාධිපතිවරයා මෙහිදී පෙන්වා දී තිබෙනවා.
මාර්ගගත ක්රමයට නඩු කටයුතු සිදු කිරීමේ දී මතු වන දුෂ්කරතා හඳුනාගෙන ඊට අදාළ යටිතල පහසුකම් වැඩිදියුණු කරන ලෙසද ජනාධිපතිවරයා වැඩිදුරටත් දැනුම් දුන් බව ජනාධිපති මාධ්ය අංශය පවසනවා.
බන්ධනාගාර තුළ සිදුවන අක්රමිකතා සඳහා නිලධාරීන්ගේද සම්බන්ධයක් ඇති බවට මතු වන චෝදනා පිළිබඳවද සාකච්ඡාවට ලක්ව තිබෙනවා.
එම චෝදනාවලට සම්බන්ධ නිලධාරීන්ට ආයතනයේ විනය ක්රියාමාර්ගවලට එහා ගොස් නීතිමය ක්රියාමාර්ග ගන්නා ලෙස ජනාධිපතිවරයා උපදෙස් දුන් බව සඳහන්.
රජයේ රස පරීක්ෂක දෙපාර්තමේන්තුවේ දැනට තිබෙන පුරප්පාඩු සම්බන්ධයෙන් මෙම සාකච්ඡාවේදී අවධානය යොමු වූ අතර එම පුරප්පාඩු කඩිනමින් පිරවීම සම්බන්ධයෙන් ද සාකච්ඡා වී තිබෙනවා.
