JN1 නව කොවිඩ් ප්‍රභේදය මේ වන විට ගෝලීය වශයෙන් වේගවත් ව්‍යාප්තියක් වාර්තා කර ඇති බව ලෝක සෞඛ්‍ය සංවිධානය පවසනවා.
ලෝක සෞඛ්‍ය සංවිධානය පවසන්නේ ගෝලීයව වාර්තා වන කොවිඩ් රෝගීන් සංඛ්‍යාවද නොවැම්බර් මාසය තුළ 52% කින් ඉහළ ගොස් ඇති බවයි.
මේ අතර, මෙම තත්වය සැලකිල්ලට ගෙන වැඩිහිටියන්, විවිධ රෝගාබාධ හේතුවෙන් දුර්වල ප්‍රතිශක්තියක් ඇති අය මෙන්ම දුර්වල වාතාශ්‍රය සංවෘත ජනාකීර්ණ පරිසරයක සිටින අය නැවතත් මුහුණු ආවරණ භාවිත කිරීම ඉතා වැදගත් බව සෞඛ්‍ය අංශ පෙන්වා දෙනවා.
උණ කැස්ස, සුවඳ නැති වීම සහ රසය නැතිවීම, දිගට පවතින අධික උණ තත්වය, හුස්ම ගැනීමේ අපහසුතා, තෙහෙට්ටුව, ආහාර ගැනීමට නොහැකි වීම, වමනය ඇතිවීමේ ප්‍රවණතා මෙම ප්‍රභේදයේ රෝග ලක්ෂණ බවයි වාර්තා වෙන්නේ.
ඒ අනුව,මෙවැනි රෝග ලක්ෂණ ඇත්නම් වෛද්‍ය උපදෙස් පැතීම වැදගත් බවද සෞඛ්‍ය අංශ අවධාරණය කරනවා.
