පකිස්තාන ක්රියාත්මක ආගමික අපහාස නීතිය වෙනස් කිරීමට ඵලදායි ලෙස මැදිහත්වන්නැයි යුරෝපා සංගමය වෙත ඉල්ලීමක් ඉදිරිපත්ව තිබේ.
ජීනිවාහි පැවති දකුණු ආසියානු ප්රජාතන්ත්රවාදී සංසංදයේ විශේෂ සමුලුවකදී මෙම ඉල්ලීම ඉදිරිපත්ව ඇතැයි සදහන් වේ.
ආගමික අපහාස නීතිය භාවිතා කරමින් පකිස්තානය ෂියා මුස්ලිම්වරුන්, ක්රිස්තියානීන් පමණක් නොව නීතිඥයන්, මානව හිමිකම් සහ සිවිල් ක්රියාකාරිකයන් මර්දනය කරන බවට දිගු කලක පටන් චෝදනා එල්ල වෙමින් තිබේ.
මෙම නීති වෙනස් කරන ලෙසත් අයථා ලෙස භාවිතා නොකරන ලෙසටත් අන්තර්ජාතික සංවිධාන සහ රටවල් රැසක් අවස්ථා ගණනාවකදීම පකිස්තානය වෙත අවධාරණය කර ඇතත් ඔවුන් ඒ පිළිබදව සාර්ථක ප්රතිචාරයක් දක්වා නොමැත.
දකුණු ආසියානු ප්රජාතන්ත්රවාදී සංසදයේ අදහස වී ඇත්තේ පකිස්තානයට මෙි සම්බන්ධයෙන් දැඩි බලපෑමක් කිරීමේ හැකියාව යුරෝපා සංගමය සතුවන බැවින් ඔවුන් ඒ සදහා විශේෂ මැදිහත්වීමක් කළ යුතු බවයි.
