ත්‍රිකුණාමලය දිසා අධිකරණයේ විභාග වන ඉඩම් නඩුවකට අදාළව එම නඩුවේ විත්තිකාරිනිය විසින් නඩුවේ පැමිණිකරු ඝාතනය කිරීම් සඳහා රුපියල් ලක්ෂ 50ක කොන්ත්‍රාත්තුවක් ලබාදීමේ සැලසුමක් සම්බන්ධයෙන් පරීක්ෂණයක් ආරම්භ කළ බව පුල්මුඩේ පොලිසිය පවසනවා.
මෙම ඉඩම් නඩුවේ පැමිණිලිකරු වන පුල්මුඩේ, නුරානියා නගර්, පදිංචි ජෙයිනුලාබ්දින් බුහාරී යන අය මේ සම්බන්ධයෙන් කළ පැමිණිල්ලක් අනුව පුල්මුඩේ පොලිසිය මෙසේ විමර්ශනයක් ආරම්භ කර තිබෙනවා.
විත්තිකාර කාන්තාව තමන් ඝාතනය කිරීම සඳහා රුපියල් ලක්ෂ 50ක කොන්ත්‍රාත්තුවක් දී ඝාතනය කිරීමෙන් පසු අදාළ ලක්ෂ පනහක මුදල ලබාදීමට කොන්ත්‍රාත්තුව පැවරූ පුද්ගලයා තමන්ගේ මිතුරෙක් වන බැවින් මෙම සිද්ධිය සම්බන්ධයෙන් එම මිතුරා තමාට මෙම හෙළිදරව්ව කල බව බුහාරි නැමැති අය කල පොලිසියට කල පැමිණිල්ලේ සඳහන් වනවා.
මෙම ඉඩම් නඩුව ලබන 20 වෙනිදා ත්‍රිකුණාමල දිසා අධිකරණයේ විභාගවීමට නියමිතයි.
පුල්මුඩේ පොලිසිය සිද්ධිය සම්බන්ධයෙන් වැඩිදුර පරීක්ෂණ පවත්වනු ලබනවා.
