ඉන්දීය සාගර කලාපයේ ආරක්ෂාව සම්බන්ධයෙන් මතුව ඇති තර්ජන ඉහළ ගොස් ඇති බව ඉන්දීය විදේශ ලේකම් හර්ෂ් වර්ධන් ෂ්‍රිංග්ලා පවසයි.
ගෝවාහි පැවති කලාපීය ආරක්ෂක සමුලුවක් අමතමින් ඔහු සදහන් කළේ ඉන්දීය සාගර කලාපයේ ආරක්ෂාවට අදාළ ගැටලු දිනෙන් දින සංකීර්ණ සහ වර්ධනය වෙමින් ඇති බවයි.
මේ හේතුවෙන් පෙර නොකළ ලෙස ඉන්දීය සාගර කලාපයේ ආරක්ෂාව සම්බන්ධයෙන් අවදානයක් යොමුකිරීමට සිදුව ඇති බව ද ඉන්දීය විදේශ ලේකම් හර්ෂ් වර්ධන් ෂ්‍රිංග්ලා පෙන්වා දෙයි.
නව තාක්ෂණයෙන් සන්නද්ධව විවිධ රටවල ආණ්ඩුවල සහය ලබමින් කටයුතු කරන කණ්ඩායම්වලින් එල්ල වී ඇති තර්ජන විශේෂයෙන් සළකා බැලිය යුතු බව ද හෙතෙම මෙහිදී පැවසීය.
මෙවැනි ත්‍රස්තවාදී කල්ලි අන්තර්ජාතිකව ව්‍යාප්තව ඇති අපරාධ කල්ලි සමග එක්ව කටයුතු කරමින් ආරක්ෂාවට එල්ල කරන තර්ජන සම්බන්ධයෙන් එක්ව කටයුතු කිරීමේ වැදගත්කමද ඉන්දීය විදේශ ලේකම්වරයා මෙහිදී අවධාරණය කළේය.
