කොළඹ දිස්ත්‍රික්කයේ පොලිස් වසම් 4කට පනවා ඇති සංචරණ සීමා හෙට (23) උදෑසන 5 සිට ඉවත් කරන බව යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා පවසනවා.
ඒ අනුව බොරැල්ල, වැල්ලම්පිටිය, කොටුව හා කොම්පඤ්ඤවීදිය යන පොලිස් වසම්වලට පනවා ඇති සංචරණ සීමා හෙට උදෑසන සිට ඉවත් කෙරෙනවා.
කෙසේ වෙතත් කොළඹ දිස්ත්‍රික්කයේ පොලිස් වසම් 13 ක් තවදුරටත් හුදකලාව පවතින බවද යුද හමුදාපතිවරයා සඳහන් කළා.
එමෙන්ම කොම්පඤ්ඤවීදියේ පිහිටි වෑකන්ද ග්‍රාම නිලධාරී වසම හා බොරැල්ලේ පිහිටි වනාතමුල්ල ග්‍රාම නිලධාරී වසම තවදුරටත් හුදකලාව පවතිනවා.
මේ අතර ගම්පහ දිස්ත්‍රික්කයේ ජා – ඇළ හා කඩවත යන පොලිස් වසම් දෙකේ ද සංචරණ සීමා හෙට උදෑසන සිට ඉවත් කිරීමට තීරණය කර තිබෙනවා. නමුත් ගම්පහ දිස්ත්‍රික්කයේ පොලිස් වසම් 5ක සංචරණ සීමා තවදුරටත් බලපැවැත්වෙනවා.
ගම්පහ දිස්ත්‍රික්කයේ තවදුරටත් හුදකලා කර ඇති ප්‍රදේශ
• මීගමුව
• වත්තල
• පෑලියගොඩ
• රාගම
• කැලණිය
කළුතර දිස්ත්‍රික්කයේ බණ්ඩාරගම පොලිස් වසම මේ මොහොතේ සිට හුදකලා කළ ග්‍රාම නිලධාරී වසම්,
• බෝගහවත්ත
• බමුණුමුල්ල (මුස්ලිම්) ප්‍රදේශය
• කිරිමන්තුඩාව
• කෝරාවල
• අටලුගම බටහිර
• බමුණුමුල්ල
• ගලගහමණ්ඩිය
