ඊශ්රායලයේ අවුරුදු 12න් ඉහළ වයස් කාණ්ඩවල පුද්ගලයන් හට කොරෝනා මර්දන එන්නතේ බූස්ටර් මාත්රාව ලබාදීම ආරම්භ කර ඇති බව Aljazeera වාර්තා කරනවා.
මාස කිහිපයකට පෙර ලබාදී අවසන් කළ ෆයිසර් එන්නතේ දෙවන මාත්රාවේ ඵලදායීතාව මේ වන විට ක්රමයෙන් අඩුවෙමින් පවතින බැවිත් තෙවන මාත්රාවක්ද ලබාදීමට තීරණය කර ඇති බවයි එරට සෞඛ්ය සේවය වාර්තා කරන්නේ.
ඇමරිකා එක්සත් ජනපදය බුස්ස්ටර් මාත්රාව ලබා දෙන්නේ දෙවන මාත්රාවෙන් මාස 8කට පසු වුවද ඊශ්රායලය එම කාල පරතරය මාස 5ක් දක්වා පහත හෙළා තිබෙනවා.
මිලියන 9.3ක් වන ඊශ්රායල ජනතාවගෙන් මිලියන 2කටම මේ වන විටත් තෙවන මාත්රාව ලබා දී ඇති බවත් එය සාර්ථක ප්රතිඵල පෙන්වමින් ඇති බවත් ඊශ්රායල අග්රාමාත්ය නෆ්තාලි බෙනට් පවසනවා.
ලෝක ජනගහණයෙන් බහුතරයක් පළමු මාත්රාව ලබාගන්නා තෙක් තෙවන මාත්රාව ලබා නොදෙන ලෙසට ලෝක සෞඛ්ය සංවිධානය සිදු කළ ප්රකාශද නොතකමින් ඊශ්රායලය මෙලෙස සාර්ථකව සිය ජනතාවට බූස්ටර් එන්නත් මාත්රාව ලබා දීම අරඹා තිබෙනවා.