රාජපක්ෂවරුන් ගෙදර යැවීමට තවත් අවුරුදු තුනක් බලාසිටීමට විපක්ෂය උත්සහ කළහොත් ඔවුන්ට පාලනය කිරීමට හෝ රටක් ඉතුරු නොවන බව හිටපු අමාත්ය උදය ගම්මන්පිල මහතා පවසනවා.
ඒ, අද (29) කොළඹදී පැවති මාධ්ය හමුවක් අමතමින්.
එමෙන්ම, වසර දෙකහාමාරක් ගතවෙන තුරු පාර්ලිමේන්තුව විසුරුවා හැරීමට නොහැකි බවට කථානායකතුමා විසින් කර තිබෙන ප්රකාශයේ සත්යතාවක් නොමැති බවයි හිටපු අමාත්යවරයා පෙන්වා දෙන්නේ.
එලෙස වසර දෙකහමාරක් ගත වෙනතුරු පාර්ලිමේන්තුව විසුරුවා හැරිය නොහැක්කේ ‘ජනාධිපතිවරයාගේ අභිමතය පරිදි’ විශුරුවා හැරීමකදී වන නමුත් ‘පාර්ලිමේන්තුවේ යෝජනා සම්මතයකින්’ ඕනෑම අවස්ථාවක පාර්ලිමේන්තුව විසුරුවා හැරිය හැකි බව උදය ගම්මන්පිල මහතා පවසනවා.
පාර්ලිමේන්තුව විසුරුවා හැරීම සම්බන්ධව සාකච්ඡාවක් මතුවන විට බැසිල් රාජපක්ෂ මහතාට සහය දක්වම පිරිස් නොසන්සුන් වී ඇති බවත් ඔහු වැඩිදුරටත් පවසනවා.