පාස්කු ඉරිදා ත්‍රස්ත ප්‍රහාරයට අදාළ විමර්ශන අසම්පූර්ණ බවට නීතිපතිවරයා සිදුකර ඇති ප්‍රකාශය සම්බන්ධයෙන් මහජන ආරක්ෂාව පිළිබඳ අමාත්‍ය ආචාර්ය සරත් වීරසේකර අපරාධ පරීක්ෂණ දෙපාර්තමේන්තුවෙන් කඩිනම් වාර්තාවක් කැඳවා තිබෙනවා.
මීට පෙර නීතිපති දප්පුල ද ලිවේරා ඊයේ ප්‍රකාශ කළේ අපරාධ පරීක්ෂණ දෙපාර්තමේන්තුවේ විමර්ශන අසම්පූර්ණ නිසා සිය ධුර කාලය ඇතුළත පාස්කු ප්‍රහාරයේ සියලු සැකකරුවන්ට එරෙහිව මහාධිකරණවල චෝදනා ගොනු කිරීමට තමන්ට හැකියාවක් නොමැති බවයි.
ඔහු පිටු 130 කින් සමන්විත වාර්තාවක්ද පොලිස්පතිවරයා වෙත යොමු කර ඇති අතර, එමඟින් පාස්කු ප්‍රහාරයට අදාළව අත්අඩංගුවට ගෙන සිටින ඒ කාණ්ඩයේ සැකකරුවන් 42 නෙකු සම්බන්ධයෙන් සාක්ෂි ලිඛිතව තහවුරු කරන ලෙසත්, 5 දෙනෙකු පිළිබද පරීක්ෂණ අසම්පූර්ණ බවත් දැනුම් දුන්නා.
