මීට දින දෙක තුනකට පෙර වැල්ලම්පිටිය හංදියේ මහලු යුවලක් අතරමං කර දමා ගොස් ඇති බව වාර්තා වේ.
ඔවුන් ඉංගිරිය ප්‍රදේශයේ බවත් යම් කිසිවෙකු විසින් ඔවුන් දෙදෙනාව මේ ස්ථානයේ දමාගොස් ඇති බව තහවුරු කරගෙන තිබේ. කඩයක් ඉදිරිපිට වැටී සිටි මෙම දෙදෙනා ව සෞඛ්‍ය බලධාරීන් විසින් PCR පරීක්ෂණයකට ලක්කිරීමට පියවෙර ගෙන තිබූ අතර ඉන් හෙළිවී ඇත්තේ දෙදෙනාටම කොරෝනා වෛරසය ආසාදනය වී ඇති බවය.
ඔවුන් දෙදෙනාගේ තත්ත්වය ඉතා අසාධ්‍ය බව මහජන සෞඛ්‍ය පරීක්ෂකවරු පවසති.
ගොතටුව සෞඛ්‍ය වෛද්‍ය නිලධාරී කාර්යාලයේ නිලධාරීන් ගිලන්රථ වලින් එම දෙදෙනාව IDH රෝහල වෙත රැගෙන ගොස් තිබේ.
එම මහලු යුවලට පසුගිය දින කිහිපය පුරා අසල සිටි පිරිස් විසින් කෑම බීම ලබාදී නාවා පිරිසිදු කර ඇති අතර එම පිරිස් සොයා ඔවුන්ව නිරෝධායන කරන බව මහජන සෞඛ්‍ය පරීක්ෂකවරුන් පැවසීය.
දරුවන්ට ඇති ආදරය නිසා ඔවුන් දරුවන්ගේ නම් නොපවසන බවයි වාර්තා වන්නේ.
